ЭФЭСЯНАЎ 4:31

Біблія (пераклад А.Бокуна)

Усякая горыч, і ярасьць, і гнеў, і крык, і блюзьнерствы няхай будуць аддаленыя ад вас разам з усім ліхім.

Крыжаваныя спасылкі

БЫЦЦЁ 27:41

I зьненавідзеў Эзаў Якуба дзеля дабраславеньня, якім дабраславіў яго бацька ягоны, і сказаў Эзаў у сэрцы сваім: «Набліжаюцца дні жалобы па бацьку маім, і я заб’ю Якуба, брата майго».

БЫЦЦЁ 37:21

I пачуў [гэта] Рубэн, і выбавіў яго з рук іхніх, і сказаў: «Не забівайма душы».

БЫЦЦЁ 37:4

I ўбачылі браты ягоныя, што бацька іхні любіць яго больш за ўсіх братоў, і зьненавідзелі яго, і не маглі гаварыць з ім спакойна.

БЫЦЦЁ 4:8

І сказаў Каін Абэлю, брату свайму: [«Пойдзем у поле»]. І сталася, калі былі яны ў полі, паўстаў Каін на Абэля, брата свайго, і забіў яго.

2 ЦАРСТВАЎ 13:22

А Абсалом не гаварыў Амнону ані добрага, ані ліхога, бо зьненавідзеў Абсалом Амнона за тое, што ён зьняважыў Тамар, сястру ягоную.

2 ЦАРСТВАЎ 19:27

Ён сказаў: «Гаспадару мой, валадар, ашукаў мяне слуга мой! Я, слуга твой, сказаў слузе свайму: “Вазьму сабе асла, сяду на яго і паеду з валадаром”, бо кульгавы слуга твой.

2 ЦАРСТВАЎ 19:43

І адказалі ўсе людзі Юды людзям Ізраіля: «Бо валадар нам бліжэйшы. Чаму вы лічыце гэта ліхім для вас? Ці мы зьелі што ў валадара? Ці мы забралі [нешта] для сябе?»

ПСАЛТЫР 101:5

Таго, хто ачарняючы, ачарняе таемна бліжняга свайго, я вынішчу; вочы пыхлівыя і сэрца надзьмутае ня буду зносіць.

ПСАЛТЫР 140:11

Няхай пасыплецца на іх вугольле! У агонь няхай кіне Ён іх, у дол глыбокі, каб ім не паўстаць!

ПСАЛТЫР 15:3

хто языком сваім не ачарніў, не ўчыніў ліхога бліжняму свайму і ня ўзьвёў ганьбы на таго, хто побач,

ПСАЛТЫР 37:8

Ухіліся ад гневу, пакінь ярасьць, ня гневайся, каб ты ня стаўся злачынцам,

ПСАЛТЫР 50:20

Ты сядзіш і супраць брата твайго гаворыш, абмаўляеш сына маці тваёй.

ПСАЛТЫР 64:3

Схавай мяне ад таемных [намераў] злачынцаў, ад грамады тых, што чыняць нягоднае,

ВЫСЛОЎІ 10:12

Нянавісьць выклікае сваркі, а любоў пакрывае ўсе правіны.

ВЫСЛОЎІ 10:18

Хто хавае нянавісьць, у таго вусны хлусьлівыя, а хто паклёп разносіць, той дурань.

ВЫСЛОЎІ 14:17

Скоры на гнеў робіць дурасьць, а чалавек зламысны зьненавіджаны.

ВЫСЛОЎІ 18:8

Словы пляткара — як прысмакі, яны зыходзяць у глыб нутра.

ВЫСЛОЎІ 19:12

Гнеў валадара — як рыканьне ільва, а зычлівасьць ягоная — як раса на траве.

ВЫСЛОЎІ 25:23

Паўночны вецер прыганяе дождж, а язык абмоўніка [прыносіць] гнеў на тварах.

ВЫСЛОЎІ 26:20

Калі няма дроваў, агонь гасьне, калі няма пляткара, звадка сьціхае.

ВЫСЛОЎІ 29:22

Гняўлівы чалавек усчынае звадку, а раз’юшаны [ўчыняе] багата правінаў.

ВЫСЛОЎІ 29:9

Мудры чалавек, судзячыся з неразумным, і злуецца, і сьмяецца, і ня мае спакою.

ВЫСЛОЎІ 6:19

сьведка фальшывы, які дыхае няпраўдай, і той, хто сее нязгоду між братамі.

ЭКЛЕЗІЯСТА 7:9

Ня будзь хуткі да гневу ў духу тваім, бо гнеў жыве ў заўлоньні дурняў.

ЕРАМІІ 6:28

Усе яны — адступнікі з адступнікаў, ходзяць нахабна, усе яны — медзь і жалеза, усе папсаваныя.

ЕРАМІІ 9:4

Высьцерагаюцца адзін аднаго, і брат да брата ня мае даверу, бо кожны брат, ашукваючы, ашуквае, і кожны бліжні ачарняе падступна.

ДЗЕІ 21:30

І ўвесь горад узварушыўся, і пазьбягаўся народ. І, узяўшы Паўла, пацягнулі яго вонкі са сьвятыні, і адразу дзьверы былі зачынены.

РЫМЛЯНАЎ 3:14

Вусны іхнія поўныя абмовы і горычы.

1 КАРЫНФЯНАЎ 14:20

Браты! Ня будзьце дзецьмі розумам; на благое будзьце немаўлятамі, а розумам будзьце дасканалымі.

1 КАРЫНФЯНАЎ 5:8

Так што будзем сьвяткаваць не са старою кісьляю, ня з кісьляй ліхоты і зласьлівасьці, але з праснакамі шчырасьці і праўды.

2 КАРЫНФЯНАЎ 12:20

Бо баюся, каб, прыйшоўшы, не знайсьці мне вас такімі, якімі не хачу, і каб вам не знайсьці мяне такім, якім ня хочаце; каб не было сварак, зайздрасьці, ярасьці, сварлівасьці, абмаўляньняў, нагавораў, пыхі, бязладзьдзя,

ГАЛЯТАЎ 5:20

ідалапаклонства, чараўніцтва, варожасьць, сваркі, рэўнасьць, ярасьць, сварлівасьць, нязгода, герэзіі,

ЭФЭСЯНАЎ 4:22

каб адкінуць вам ранейшы лад жыцьця старога чалавека, які зьнішчаецца ў манлівых пажаданьнях,

ЭФЭСЯНАЎ 4:25

Дзеля гэтага, адкінуўшы хлусьню, гаварыце кожны праўду бліжняму свайму, бо мы члены адзін аднаму.

ЭФЭСЯНАЎ 4:26

Гневайцеся, ды не грашыце: няхай сонца не заходзіць у гневе вашым;

КАЛАСЯНАЎ 3:19

Мужы, любіце жонак і ня будзьце для іх прыкрымі.

КАЛАСЯНАЎ 3:8

А цяпер вы адкіньце ўсё: гнеў, ярасьць, ліхоту, блюзьнерствы, брыдкаслоўе з вуснаў вашых;

1 ЦІМАФЕЯ 3:11

Таксама жанчыны [мусяць быць] сумленныя, не паклёпніцы, пільныя, верныя ў-ва ўсім.

1 ЦІМАФЕЯ 3:3

ня п’яніца, не задзірлівы, ня сквапны, але спагадны, не ваяўнічы, не срэбралюбец,

1 ЦІМАФЕЯ 5:13

Да таго ж яны прывучаюцца не працаваць, цягаючыся па дамах; і ня толькі не працаваць, але і балбатаць, і рабіць непатрэбныя рэчы, гаворачы, чаго ня сьлед.

2 ЦІМАФЕЯ 2:23

Ад дурных і бязглуздых спрэчак адмаўляйся, ведаючы, што яны нараджаюць звадкі;

2 ЦІМАФЕЯ 3:3

няўмольныя, паклёпнікі, неапанаваныя, жорсткія, ненавісьнікі таго, што добрае,

ЦІТА 1:7

Бо епіскап мусіць быць бездакорны, як Божы аканом, не самалюбны, не гняўлівы, ня п’яніца, не задзірлівы, ня сквапны,

ЦІТА 2:3

каб старыя жанчыны паводзілі сябе, як належыцца сьвятым, не паклёпнічалі, не пілі шмат віна, вучылі добраму,

ЯКАВА 1:19

Так што, браты мае ўлюбёныя, усякі чалавек няхай будзе хуткі, каб слухаць, павольны, каб гаварыць, павольны на гнеў,

ЯКАВА 3:14

А калі ў вашым сэрцы вы маеце горкую зайздрасьць і сварлівасьць, не вывышайцеся і не хлусіце насуперак праўдзе.

ЯКАВА 4:11

Не ачарняйце, браты, адзін аднаго. Хто ачарняе брата і судзіць брата свайго, той ачарняе Закон і судзіць Закон. А калі ты судзіш Закон, ты не выканаўца Закону, але судзьдзя.

1 ПЯТРА 2:1

Дык адклаўшы ўсякую ліхоту, і ўсякі подступ, і крывадушнасьць, і зайздрасьць, і ўсякія абмаўляньні,

1 ЯНА 3:12

Ня гэтак, як Каін, што быў ад злога і замардаваў брата свайго. І дзеля чаго замардаваў яго? Бо ягоныя ўчынкі былі злыя, а брата ягонага — праведныя.

1 ЯНА 3:15

Усякі, хто ненавідзіць брата свайго, ёсьць чалавеказабойца; і вы ведаеце, што ніводзін чалавеказабойца ня мае жыцьця вечнага, якое ў ім застаецца.

АДКРЫЦЦЁ 12:10

І пачуў я голас вялікі, які казаў у небе: «Цяпер сталася збаўленьне, і моц, і Валадарства Бога нашага, і ўлада Хрыста Ягонага, бо скінуты абвінавальнік братоў нашых, які дзень і ноч вінаваціў іх перад Богам нашым.