ЭФЭСЯНАЎ 4:25

Біблія (пераклад А.Бокуна)

Дзеля гэтага, адкінуўшы хлусьню, гаварыце кожны праўду бліжняму свайму, бо мы члены адзін аднаму.

Крыжаваныя спасылкі

3 ЦАРСТВАЎ 13:18

І сказаў ён яму: «І я прарок, падобны табе. І анёл прамовіў да мяне слова ГОСПАДА, кажучы: “Вярні яго ў дом твой, і няхай ён есьць хлеб і п’е ваду”». І падмануў яго.

ПСАЛТЫР 119:29

Шлях хлусьні аддалі ад мяне, і Закон Твой няхай будзе літасьцівы да мяне.

ПСАЛТЫР 15:2

Той, хто ходзіць беззаганна, і чыніць праведнасьць, і кажа праўду ў сэрцы сваім,

ПСАЛТЫР 52:3

Навошта хвалішся злачынствам, волаце? Міласэрнасьць Божая кожны дзень [трывае]!

ВЫХАД 23:7

Ад слова фальшывага будзь далёка, і не забівай нявіннага і праведнага, бо Я не апраўдаю бязбожніка.

ВЫСЛОЎІ 12:17

Хто дыхае праўдаю, той выкажацца праведна, а сьведка фальшывы хлусіць.

ВЫСЛОЎІ 12:19

Вусны праўдамоўныя трываць будуць вечна, а язык хлусьлівы — імгненьне.

ВЫСЛОЎІ 12:22

Агіда для ГОСПАДА вусны хлусьлівыя, а тыя, што дзейнічаюць сумленна, падабаюцца Яму.

ВЫСЛОЎІ 21:6

Зьбіраньне скарбаў языком падманлівым — пара, што зьнікае, і шуканьне сьмерці.

ВЫСЛОЎІ 24:28

Ня сьведчы без прычыны супраць бліжняга твайго, і не падманвай вуснамі тваімі.

ВЫСЛОЎІ 6:17

вочы пыхлівыя, язык хлусьлівы, рукі, што праліваюць кроў нявінную,

ВЫСЛОЎІ 8:7

Бо праўду выкажа язык мой, і няправасьць — брыдота для вуснаў маіх.

ІСАІ 63:8

І Ён сказаў: «Яны, сапраўды, — народ Мой, сыны, якія не падманваюць!» І Ён стаў для іх Збаўцам.

ІСАІ 9:15

Стары і паважаны — гэта галава, а прарок, які вучыць хлусьні — гэта хвост.

АСІІ 4:2

Праклён і хлусьня, і забойства, і крадзеж, і чужалоства памнажаюцца, і кроў даганяе кроў.

ЛЯВІТ 19:11

Не крадзіце, і не хлусіце, і не ашуквайце адзін аднаго.

ЗАХАРЫІ 8:16

Гэта рэчы, якія маеце ра­біць: гаварыце праўду адзін аднаму, [паводле] праўды і суду супакою судзіце ў брамах вашых,

ЗАХАРЫІ 8:19

«Гэта кажа ГОСПАД Магуцьцяў. Пост чацьвёртага і пост пятага, і пост сёмага, і пост дзясятага [месяца] будзе для дому Юды радасьцю і вясёласьцю, і сьвятам добрым. І любіце праўду і супакой!

ЯНА 8:44

Ваш бацька — д’ябал, і вы хочаце выконваць пажаданьні бацькі вашага. Ён быў чалавеказабойца ад пачатку і ня вытрываў у праўдзе, бо няма ў ім праўды. Калі ён гаворыць хлусьню, гаворыць сваё, бо ён — хлус і бацька хлусьні.

РЫМЛЯНАЎ 12:5

гэтак мы, многія, зьяўляемся адным целам у Хрысьце, а паасобку адзін для аднаго — члены.

1 КАРЫНФЯНАЎ 10:17

Як адзін хлеб, так і адно цела мы, многія, бо ўсе мы атрымліваем адзін хлеб.

2 КАРЫНФЯНАЎ 7:14

Дык я не асароміўся, калі чым пахваліўся вамі перад ім; але, як мы вам гаварылі ўсё ў праўдзе, гэтак і перад Цітам пахвала нашая сталася праўдаю.

ЭФЭСЯНАЎ 4:15

але каб, кажучы праўду ў любові, узрасталі ў-ва ўсім у Таго, Які ёсьць Галава, — Хрыстос,

ЭФЭСЯНАЎ 4:22

каб адкінуць вам ранейшы лад жыцьця старога чалавека, які зьнішчаецца ў манлівых пажаданьнях,

ЭФЭСЯНАЎ 4:31

Усякая горыч, і ярасьць, і гнеў, і крык, і блюзьнерствы няхай будуць аддаленыя ад вас разам з усім ліхім.

ЭФЭСЯНАЎ 5:30

Бо мы — члены цела Яго, ад цела Яго і ад костак Яго.

КАЛАСЯНАЎ 3:8

А цяпер вы адкіньце ўсё: гнеў, ярасьць, ліхоту, блюзьнерствы, брыдкаслоўе з вуснаў вашых;

КАЛАСЯНАЎ 3:9

не хлусіце адзін аднаму, распрануўшыся са старога чалавека з учынкамі ягонымі

1 ЦІМАФЕЯ 1:10

распусьнікаў, мужаложнікаў, людакрадаў, хлусьлівых, крывапрысяжнікаў і для іншых, што супрацівяцца здароваму вучэньню,

1 ЦІМАФЕЯ 4:2

праз крывадушнасьць тых, якія кажуць фальшыва і выпалілі сумленьне сваё,

ЦІТА 1:12

Сказаў нехта з іх, уласны іхні прарок: «Крыцяне заўсёды хлусяць, зьвяры ліхія, жываты гультайскія».

ЦІТА 1:2

у надзеі жыцьця вечнага, якое абяцаў Бог, Які не падманвае, перад адвечнымі часамі,

ГАБРЭЯЎ 12:1

Дык і мы, маючы навокал нас гэткае воблака сьведкаў, адкінуўшы ўсякі цяжар і грэх, які нас аблытвае, з цярплівасьцю будзем бегчы ў змаганьні, што ляжыць перад намі,

ЯКАВА 1:21

Дзеля гэтага, адкінуўшы ўсякі бруд і празьмернасьць ліхоты, у ціхасьці прыйміце насаджанае слова, якое можа збавіць душы вашыя.

1 ПЯТРА 2:1

Дык адклаўшы ўсякую ліхоту, і ўсякі подступ, і крывадушнасьць, і зайздрасьць, і ўсякія абмаўляньні,

АДКРЫЦЦЁ 21:8

А для палахлівых і бязьверных, і брыдотных, і забойцаў, і распусьнікаў, і чараўнікоў, і ідалапаклоньнікаў, і ўсіх хлусьлівых частка іхняя — у возеры, якое палае агнём і серкаю. Гэта — другая сьмерць».

АДКРЫЦЦЁ 22:15

А звонку — сабакі і чараўнікі, і распусьнікі, і забойцы, і ідалапаклоньнікі, і ўсе, якія любяць і чыняць падман.

СУДЗЬДЗЯЎ 16:11

Ён сказаў ёй: «Калі буду зьвязаны дзевяцьцю вяроў­камі, якія не былі ва ўжытку, буду слабы, як іншыя людзі».