ЭФЭСЯНАЎ 4:2

Біблія (пераклад А.Бокуна)

з усёй пакорай розуму і ціхасьцю, з доўгацярплівасьцю, церпячы адзін аднаго з любоўю,

Крыжаваныя спасылкі

ПСАЛТЫР 138:6

Бо ўзвышаны ГОСПАД, але бачыць пакорнага і ганарлівага пазнае здалёк.

ПСАЛТЫР 45:4

Падперажы, Волаце, паясьніцу мячом Тваім, славай Тваёй і веліччу Тваёй!

ВЫСЛОЎІ 16:19

Лепш скарацца духам з пакорнымі, чым дзяліць здабычу з пыхліўцамі.

ВЫСЛОЎІ 3:34

Ён сьмяецца з насьмешнікаў, а пакорным ласку дае.

ЭКЛЕЗІЯСТА 7:8

Лепш канец справы, чым яе пачатак, лепш павольны [на гнеў], чым фанабэрысты.

ІСАІ 57:15

Бо гэта кажа Высокі і Узьнесены, Які жыве вечна, і Сьвятое імя Ягонае: «Я жыву на вышынях і ў сьвятасьці, і [Я жыву] з тым, хто зламаны і спакораны духам, каб ажывіць дух пакорных і ажывіць сэрца прыгнечаных.

САФОНА 2:3

Шукайце ГОСПАДА, усе пакорныя зямлі, якія спаўняеце суд Ягоны; шукайце праведнасьці, шукайце ўпакораныя. Можа, вы схаваецеся ў дзень гневу ГОСПАДА.

ЗАХАРЫІ 9:9

Радуйся моцна, дачка Сыёну, усклікай, дачка Ерусаліму. Вось, Валадар твой прыходзіць да цябе, Ён праведны і збаўляе, Ён пакорны і сядзіць на асьле і на асьляняці, сыне асьліцы.

ЛІКІ 12:3

А Майсей быў чалавекам пакорным, больш за ўсіх людзей, якія на зямлі.

МАЦЬВЕЯ 11:29

Вазьміце ярмо Маё на сябе і навучыцеся ад Мяне, бо Я — ціхі і пакорнага сэрца, і знойдзеце супачынак душам вашым.

МАРКА 9:19

Ён жа, адказваючы яму, гаворыць: «О, пакаленьне бязьвернае! Як доўга буду з вамі? Як доўга буду цярпець вас? Прывядзіце яго да Мяне».

ДЗЕІ 20:19

служачы Госпаду з усёй пакораю і з многімі сьлязьмі і спакусамі, якія здараліся са мною ад змоваў Юдэйскіх,

РЫМЛЯНАЎ 15:1

Мы, моцныя, павінны насіць слабасьці нямоглых і не дагаджаць сабе.

1 КАРЫНФЯНАЎ 13:7

усё вытрымлівае, усяму верыць, на ўсё спадзяецца, усё трывае.

ГАЛЯТАЎ 6:2

Насіце цяжары адзін аднаго, і гэтак споўніце закон Хрыстовы.

ЭФЭСЯНАЎ 1:4

бо Ён выбраў нас у Ім да стварэньня сьвету, каб быць нам сьвятымі і беззаганнымі перад Ім у любові,

КАЛАСЯНАЎ 1:11

дужэючы ўсякаю сілаю паводле магутнасьці славы Яго на ўсякую цярплівасьць і доўгацярплівасьць з радасьцю,

1 ЦІМАФЕЯ 6:11

А ты, чалавек Божы, уцякай ад гэтага, але імкніся да праведнасьці, пабожнасьці, веры, любові, цярплівасьці, пакоры,

2 ЦІМАФЕЯ 2:25

у ціхасьці настаўляць тых, якія працівяцца, ці ня дасьць ім Бог навяртаньня дзеля пазнаньня праўды,

ЯКАВА 1:21

Дзеля гэтага, адкінуўшы ўсякі бруд і празьмернасьць ліхоты, у ціхасьці прыйміце насаджанае слова, якое можа збавіць душы вашыя.

1 ПЯТРА 3:15

Госпада Бога сьвяціце ў сэрцах вашых. Будзьце заўсёды гатовыя даць адказ кожнаму, хто просіць у вас слова адносна вашае надзеі, з ціхасьцю і са страхам,

1 ПЯТРА 3:8

Нарэшце, будзьце ўсе аднадумныя, спачувайце адзін аднаму, [будзьце] браталюбныя, спагадлівыя, пачцівыя,