ЭКЛЕЗІЯСТА 8:9

Біблія (пераклад А.Бокуна)

Усё гэта я бачыў, і прыкладаў сэрца маё да ўсіх справаў, якія робяцца пад сонцам, [бачыў] час, калі чалавек мае ўладу над чалавекам на гора яму.

Крыжаваныя спасылкі

4 ЦАРСТВАЎ 25:7

І сыноў Сэдэкіі забілі на вачах ягоных, і вырвалі вочы Сэдэкіі, і закулі яго ў кайданы мядзяныя, і завялі ў Бабілон.

ВЫХАД 14:28

I вярнуліся воды, і пакрылі калясьніцы і вершнікаў усяго войска фараона, якія ўвайшлі за імі ў мора; не засталося з іх аніводнага.

ЭКЛЕЗІЯСТА 1:14

Глядзеў я на ўсе справы, якія робяцца пад сонцам; і вось, усё — марнасьць і пагоня за ветрам.

ЭКЛЕЗІЯСТА 3:10

І я ўбачыў занятак, які даў Бог сынам чалавечым, каб яны займаліся ім.

ЭКЛЕЗІЯСТА 3:16

І яшчэ бачыў я пад сонцам: месца суду, а там беззаконьне, месца праведнасьці, а там няправасьць.

ЭКЛЕЗІЯСТА 4:1

І я павярнуўся, і ўбачыў усякі прыгнёт, які робіцца пад сонцам, і вось, слёзы прыгнечаных, і няма для іх суцяшэньня; і ў руцэ прыгнятальнікаў — сіла, і няма для іх суцяшэньня.

ЭКЛЕЗІЯСТА 5:13

І загінула багацьце тое ў нешчасьлівым выпадку; і нарадзіў ён сына, і няма нічога ў руках ягоных.

ЭКЛЕЗІЯСТА 5:7

Калі ты будзеш бачыць прыгнёт беднага і парушэньне суду і праведнасьці ў нейкай акрузе, не зьдзіўляйся гэтым [рэчам], але мей суцяшэньне, бо высокага пільнуе вышэйшы, а над імі — яшчэ вышэйшы.

ЭКЛЕЗІЯСТА 5:8

І карысна для зямлі ў-ва ўсім, калі валадар абрабляе поле.

ЭКЛЕЗІЯСТА 7:25

Зьвярнуў я сэрца маё, каб спазнаць і дасьледаваць, і шукаць мудрасьць і разуменьне, і каб спазнаць, што бязбожнасьць — дурасьць, а глупота — шаленства.

ЭКЛЕЗІЯСТА 7:7

Бо прыгнёт [іншых] мудрага робіць шалёным, і падарунак псуе сэрца.

ДРУГІ ЗАКОН 2:30

Але Сыгон, валадар Хешбону, не захацеў дазволіць нам прайсьці праз зямлю ягоную, бо ГОСПАД, Бог наш, закамяніў дух ягоны і сэрца ягонае зрабіў цьвёрдым, каб аддаць яго ў рукі твае, як гэта [сталася] сёньня.