ЭКЛЕЗІЯСТА 2:11

Біблія (пераклад А.Бокуна)

І азірнуўся я на ўсе справы свае, якія зрабілі рукі мае, і на цяжкую працу маю, якую рабіў, працуючы, і вось, усё — марнасьць і пагоня за ветрам, і няма карысьці з гэтага пад сонцам.

Крыжаваныя спасылкі

БЫЦЦЁ 1:31

І бачыў Бог усё, што зрабіў, і вось, усё вельмі добра. І быў вечар, і была раніца — дзень шосты.

ПСАЛТЫР 89:47

Як доўга, ГОСПАДЗЕ? Ці назаўсёды Ты будзеш хавацца? Ці будзе палаць, як агонь, ярасьць Твая?

ВЫХАД 39:43

I ўбачыў Майсей усё зробленае, і вось, яны зрабілі гэта; як загадаў ГОСПАД, так і зрабілі. I дабраславіў іх Майсей.

ЭКЛЕЗІЯСТА 1:14

Глядзеў я на ўсе справы, якія робяцца пад сонцам; і вось, усё — марнасьць і пагоня за ветрам.

ЭКЛЕЗІЯСТА 1:17

І аддаў я сэрца маё, каб пазнаць мудрасьць і пазнаць шаленства і глупоту; і спазнаў, што і гэта — турбаваньне духа.

ЭКЛЕЗІЯСТА 1:3

Якая карысьць чалавеку з усёй цяжкай працы ягонай, якую ён робіць пад сонцам?

ЭКЛЕЗІЯСТА 3:9

Што за карысьць мае з працы сваёй той, хто працуе?

ЭКЛЕЗІЯСТА 5:10

Памнажаюцца даброцьці, памнажаюцца і тыя, што іх зьядаюць; і што за карысьць уласьніку з гэтага, хіба, гледзячы, глядзець вачыма сваімі?

ЭКЛЕЗІЯСТА 5:16

Таксама ўсе дні свае ён еў у цемры, у смутку вялікім, у немачы і прыкрасьці.

АБАКУМА 2:13

Ці ж гэта не ад ГОСПАДА Магуцьцяў, што плямёны цяжка працуюць для агню, і людзі стамляюцца марна?

1 ЦІМАФЕЯ 6:6

Але вялікі прыбытак — пабожнасьць разам з зада­воленасьцю.