ЭКЛЕЗІЯСТА 11:5

Біблія (пераклад А.Бокуна)

Калі ты ня ведаеш, які шлях ветру і як [паўстаюць] косткі ва ўлоньні цяжарнай, падобна ня ведаеш дзеяў Бога, Які робіць усё.

Крыжаваныя спасылкі

ЁВА 37:23

Усемагутнага знайсьці мы ня можам: Ён — магутны ў сіле, судзе і праведнасьці, але не прыгнятае нікога.

ЁВА 38:4

Дзе ты быў, калі Я закладваў падваліны зямлі? Адкажы Мне, калі маеш веды?

ЁВА 5:9

Ён творыць рэчы недасьледныя і вялікія, і цуды незьлічоныя.

ПСАЛТЫР 104:24

Якія шматлікія, ГОСПАДЗЕ, дзеі Твае! Усё Ты ў мудрасьці ўчыніў, зямля поўная даброцьцяў Тваіх.

ПСАЛТЫР 40:5

Шчасьлівы чалавек, які пэўнасьць сваю мае ў ГОСПАДЗЕ, і не зьвяртаецца да ганарыстых і тых, якія прыхіляюцца да няпраўды.

ПСАЛТЫР 92:5

Бо Ты ўзьвесяліў мяне, ГОСПАДЗЕ, справамі Тваімі, творам рук Тваіх буду радавацца.

ЭКЛЕЗІЯСТА 1:13

І аддаў я сэрца маё, каб шукаць і дасьледаваць з мудрасьцю ўсё, што дзеецца пад небам. Гэты кепскі занятак даў Бог сынам чалавечым, каб былі занятыя ім.

ЭКЛЕЗІЯСТА 1:6

Вецер ідзе на поўдзень і паварочвае на поўнач, кружляючы, кружляе, дзьме вецер і вяртаецца вецер на кружэньне сваё.

ЭКЛЕЗІЯСТА 11:4

Хто назірае за ветрам, ня будзе сеяць, і хто глядзіць на хмары, ня будзе жаць.

ЭКЛЕЗІЯСТА 3:10

І я ўбачыў занятак, які даў Бог сынам чалавечым, каб яны займаліся ім.

ЭКЛЕЗІЯСТА 3:11

Усё Ён зрабіў прыгожым у свой час; і даў ім вечнасьць у сэрца, аднак чалавек не спасьцігне справаў, якія робіць Бог, ад пачатку аж да канца.

ЭКЛЕЗІЯСТА 7:24

Далёка тое, што ўжо было, і глыбокае, глыбокае. Хто знойдзе яго?

ЭКЛЕЗІЯСТА 8:17

тады ўбачыў я ўсе справы Божыя, што чалавек ня можа зразумець справы, якія робяцца пад сонцам; і колькі б чалавек ні намагаўся шукаць гэта, нічога ня знойдзе; і хаця б мудры сказаў, што ведае, ён ня можа знайсьці.

ІСАІ 40:28

Ці ты ня ведаеш? Або ты ня чуў? Бог Вечны, ГОСПАД, Які стварыў канцы зямлі, Ён ня слабне і не стамляецца, і недасьледная мудрасьць Ягоная!

ЯНА 3:8

Дух дыхае, дзе хоча, і голас Яго чуеш, але ня ведаеш, адкуль прыходзіць і куды адыходзіць; гэтак і ўсякі, народжаны з Духа».

РЫМЛЯНАЎ 11:33

О, глыбіня багацьця, і мудрасьці, і веданьня Божага! Як неспасьцігальныя прысуды Ягоныя і недасьледныя шляхі Ягоныя!