СУДЗЬДЗЯЎ 14:12

Біблія (пераклад А.Бокуна)

І зьвярнуўся да іх Самсон: «Загадаю я вам загадку. Калі разгадаеце мне яе за сем дзён банкету, я дам вам трыццаць шатаў ільняных і трыццаць зьме­наў вопратак.

Крыжаваныя спасылкі

БЫЦЦЁ 45:22

І ўсім, кожнаму з іх, ён даў зьмену адзеньня, а Бэн’яміну даў трыста срэбнікаў і пяць зьменаў адзеньня.

3 ЦАРСТВАЎ 10:1

І пачула валадарка Шэвы пра славу Салямона ў імя ГОСПАДА, і прыйшла выспрабаваць яго пытаньнямі.

4 ЦАРСТВАЎ 5:22

Ён сказаў: «З мірам. Гаспадар мой паслаў мяне, кажучы: “Вось, цяпер прыйшлі да мяне з гары Эфраіма два юнакі з сыноў прарокаў. Дай ім талент срэбра і дзьве зьмены адзеньня”».

4 ЦАРСТВАЎ 5:5

І валадар Сірыі сказаў: «Ідзі, а я пашлю ліст да валадара Ізраіля». І ён пайшоў, і ўзяў у руку сваю дзесяць талентаў срэбра, і шэсьць тысячаў [сык­ляў] золата, і дзесяць зьменаў адзеньня.

2 ЛЕТАПІСАЎ 7:8

І зрабіў Салямон у той час сьвята на сем дзён, і ўвесь Ізраіль з ім, царква вельмі вялікая, [якая сабралася] ад уваходу ў Хамат аж да ракі Эгіпецкай.

ПСАЛТЫР 49:4

Вусны мае кажуць мудрасьць, і думкі сэрца майго разважлівыя.

ВЫСЛОЎІ 1:6

каб зразумець выслоўе і прыповесьць, словы мудрых і загадкі іхнія.

ВЫСЛОЎІ 31:24

Робіць яна палатніну, і продае яе, і дастаўляе паясы купцам Хананейскім.

ЕЗЭКІІЛЯ 17:2

«Сыне чалавечы, загадай загадку і раскажы прыповесьць дому Ізраіля.

ЕЗЭКІІЛЯ 20:49

І я сказаў: «О Госпадзе ГОСПАДЗЕ! Яны кажуць пра мяне: “Ён толькі прыповесьці расказвае”».

МАЦЬВЕЯ 13:13

Дзеля таго гавару ім у прыповесьцях, што яны, гледзячы, ня бачаць і, слухаючы, ня чуюць, і не разумеюць.

МАЦЬВЕЯ 13:34

Усё гэтае Ісус гаварыў да натоўпаў у прыповесьцях і без прыповесьці не гаварыў ім,

МАЦЬВЕЯ 27:28

І, зьняўшы з Яго [ўсё], усклалі на Яго плашч пунсовы,

МАЦЬВЕЯ 6:19

Не зьбірайце сабе скарбаў на зямлі, дзе моль і іржа нішчаць, і дзе злодзеі падкопваюць і крадуць;

ЛУКАША 14:7

І ўгледзеўшы, як тыя, што былі запрошаныя, выбіралі першыя месцы, сказаў ім прыповесьць, кажучы ім:

ЯНА 16:29

Кажуць Яму вучні Ягоныя: «Вось, Ты цяпер адкрыта гаворыш і прыказкі аніякай не кажаш.

1 КАРЫНФЯНАЎ 13:12

Бо цяпер мы бачым праз [мутнае] шкло, невыразна; а тады — абліччам да аблічча; цяпер я разумею часткова, а тады пазнаю [гэтаксама], як я сам пазнаны.

ЯКАВА 5:2

Багацьце вашае згніло, і шаты вашыя моль стачыла.

СУДЗЬДЗЯЎ 14:11

А калі там убачылі яго, далі яму трыццаць вясельных сяброў, якія былі пры ім.

СУДЗЬДЗЯЎ 14:13

А калі ня зможаце разгадаць, вы дасьцё мне трыццаць шатаў ільняных і трыццаць зьме­наў вопратак». Яны адказалі яму: «Загадвай загадку сваю, а мы будзем слухаць».