РЫМЛЯНАЎ 8:2

Біблія (пераклад А.Бокуна)

Бо закон Духа жыцьця ў Хрысьце Ісусе вызваліў мяне ад закону грэху і сьмерці.

Крыжаваныя спасылкі

ПСАЛТЫР 51:12

Сэрца чыстае ствары ў-ва мне, Божа, і дух упэўнены аднаві ў-ва мне.

ЕЗЭКІІЛЯ 1:21

Калі рухаліся [істоты], рухаліся [колы], а калі спыняліся, і [колы] спыняліся; калі яны падымаліся з зямлі, і колы падымаліся, бо дух [істотаў] жывых [быў] у колах.

ЯНА 4:10

Адказаў Ісус і сказаў ёй: «Калі б ты ведала дар Божы і Хто кажа табе: “Дай Мне піць”, то ты прасіла б у Яго, і Ён даў бы табе вады жывое».

ЯНА 4:14

Хто ж вып’е ваду, якую Я яму дам, ня будзе смагнуць ніколі, але вада, якую Я дам яму, станецца ў ім крыніцаю вады, якая цячэ ў жыцьцё вечнае».

ЯНА 6:63

Дух ажыўляе, а цела не прыносіць аніякай карысьці. Словы, якія Я вам кажу, ёсьць дух і жыцьцё.

ЯНА 8:32

І спазнаеце праўду, і праўда вызваліць вас».

ЯНА 8:36

Дык вось, калі Сын вызваліць вас, праўдзіва станецеся вольнымі.

РЫМЛЯНАЎ 16:3

Прывітайце Прыскілу і Акілу, супрацоўнікаў маіх у Хрысьце Ісусе,

РЫМЛЯНАЎ 3:27

Дык дзе тое, чым хваліцца? Выключана. Якім законам? [Законам] учынкаў? Не, але законам веры.

РЫМЛЯНАЎ 5:21

каб, як грэх валадарыў у сьмерці, гэтак і ласка валадарыла праз праведнасьць на жыцьцё вечнае праз Ісуса Хрыста, Госпада нашага.

РЫМЛЯНАЎ 6:14

Бо грэх ня будзе панаваць над вамі, бо вы не пад законам, але пад ласкаю.

РЫМЛЯНАЎ 6:18

Вызваліўшыся ж ад грэху, вы сталіся слугамі праведнасьці.

РЫМЛЯНАЎ 6:22

А цяпер, вызваліўшыся ад грэху і стаўшыся слугамі Бога, вы маеце плод свой на сьвятасьць, а канец — жыцьцё вечнае.

РЫМЛЯНАЎ 7:21

Таму я знаходжу закон, што, калі хачу рабіць добрае, ёсьць у-ва мне благое.

РЫМЛЯНАЎ 7:23

а ў членах маіх бачу другі закон, які супрацівіцца закону розуму майго і бярэ мяне ў палон закону грэху, які ёсьць у членах маіх.

РЫМЛЯНАЎ 7:4

Гэтак і вы, браты мае, памерлі для Закону праз цела Хрыстовае, каб належаць вам другому, Які ўваскрошаны з мёртвых, каб даваць плод Богу.

РЫМЛЯНАЎ 8:1

Таму цяпер няма ніякага асуджэньня тым, што ў Хрысьце Ісусе не паводле цела, але паводле духа ходзяць.

1 КАРЫНФЯНАЎ 15:45

Гэтак і напісана: «Стаўся першы чалавек Адам душою жывою», а апошні Адам — дух, які ажыўляе.

2 КАРЫНФЯНАЎ 3:17

Госпад ёсьць Дух, а дзе Дух Госпада, там свабода.

2 КАРЫНФЯНАЎ 3:6

Які даў нам здольнасьць быць служыцелямі Новага Запавету, ня літары, але духа, бо літара забівае, а дух ажыўляе.

ГАЛЯТАЎ 2:19

Бо праз Закон я памёр для Закону, каб жыць для Бога.

ГАЛЯТАЎ 5:1

Дык стойце ў свабодзе, якою вызваліў нас Хрыстос, і не патрапляйце ізноў пад ярмо няволі.

ГАЛЯТАЎ 6:2

Насіце цяжары адзін аднаго, і гэтак споўніце закон Хрыстовы.

ЯКАВА 1:25

А хто прыхіляецца да дасканалага закону свабоды і трывае [ў ім], той, стаўшыся не слухачом, які забываецца, але выканаўцам справы, шчасьлівы будзе ў дзейнасьці сваёй.

АДКРЫЦЦЁ 11:11

І праз тры дні і паўдня дух жыцьця ад Бога зыйшоў на іх, і яны сталі на ногі свае, і страх вялікі прыйшоў на тых, якія бачылі іх.

АДКРЫЦЦЁ 22:1

І паказаў ён мне чыстую раку вады жыцьця, сьветлую, як крышталь, якая выходзіла з пасаду Бога і Ягняці.