РЫМЛЯНАЎ 6:14

Біблія (пераклад А.Бокуна)

Бо грэх ня будзе панаваць над вамі, бо вы не пад законам, але пад ласкаю.

Крыжаваныя спасылкі

ЛЯВІТ 25:41

а тады выйдзе ён, і сыны ягоныя з ім і вернецца да сям'і сваёй, і вернецца ў валоданьне бацькоў сваіх.

МІХЕЯ 7:19

Ён павернецца, зьявіць нам міласьць, загладзіць беззаконьні нашыя. Ты кінеш у глыбіні мора ўсе грахі нашыя.

МАЦЬВЕЯ 1:21

Вось, яна народзіць Сына, і дасі Яму імя Ісус, бо Ён збавіць народ Свой ад грахоў іхніх».

ЯНА 1:14

І Слова Целам сталася, і пасялілася між нас, поўнае ласкі і праўды, і мы бачылі славу Яго, славу, як Адзінароднага ў Айца.

ЯНА 1:17

Бо Закон быў дадзены праз Майсея, а ласка [Божая] і праўда сталіся праз Ісуса Хрыста.

ЯНА 8:36

Дык вось, калі Сын вызваліць вас, праўдзіва станецеся вольнымі.

РЫМЛЯНАЎ 11:6

А калі праз ласку, дык не праз учынкі, іначай ласка ўжо ня ёсьць ласка. А калі праз учынкі, дык гэта ня ласка, іначай учынак ужо ня ёсьць учынак.

РЫМЛЯНАЎ 4:16

Дзеля гэтага праз веру, каб было паводле ласкі, каб абяцаньне было ўгрунтаваным для ўсяго насеньня, ня толькі для таго, якое праз Закон, але і для таго, якое праз веру Абрагама, які ёсьць бацька ўсіх нас,

РЫМЛЯНАЎ 5:17

Бо калі праз грэх аднаго сьмерць валадарыла праз аднаго, шмат больш тыя, якія атрымалі багацьце ласкі і дар праведнасьці, будуць валадарыць у жыцьці праз аднаго Ісуса Хрыста.

РЫМЛЯНАЎ 5:18

Таму, як праз грэх аднаго ўсім людзям асуджэньне, гэтак праз праведнасьць аднаго ўсім людзям апраўданьне на жыцьцё.

РЫМЛЯНАЎ 6:12

Дык няхай не валадарыць грэх у сьмяротным целе вашым, каб вам слухацца яго ў пажаданьнях ягоных.

РЫМЛЯНАЎ 6:15

Дык што? Ці будзем грашыць, бо мы не пад законам, але пад ласкаю? Няхай ня станецца!

РЫМЛЯНАЎ 8:12

Дык таму, браты, мы не вінаватыя цела, каб жыць паводле цела;

РЫМЛЯНАЎ 8:2

Бо закон Духа жыцьця ў Хрысьце Ісусе вызваліў мяне ад закону грэху і сьмерці.

ГАЛЯТАЎ 3:23

А перш, чым прыйшла вера, мы былі пад аховаю Закону, замкнёныя дзеля [атрыманьня] веры, якая мела адкрыцца.

ГАЛЯТАЎ 4:21

Скажыце мне вы, якія хочаце быць пад Законам: ці ж вы ня слухаеце Закону?

ГАЛЯТАЎ 5:18

Калі ж вы ведзеныя духам, вы не пад Законам.

ЦІТА 2:14

Які даў Сябе за нас, каб выбавіць нас ад усякага беззаконьня і ачысьціць Сабе народ асаблівы, які рупіцца пра добрыя справы.

ГАБРЭЯЎ 8:10

Вось запавет, які Я заключу з домам Ізраіля пасьля тых дзён, — кажа Госпад, — даючы законы Мае ў думкі іхнія, напішу іх і на сэрцах іхніх, і буду ім Богам, а яны Мне будуць народам.