РЫМЛЯНАЎ 14:19

Біблія (пераклад А.Бокуна)

Дык таму будзем імкнуцца да таго, што [служыць] дзеля супакою і ўзаемнага збудаваньня.

Крыжаваныя спасылкі

ПСАЛТЫР 133:1

Сьпеў узыходжаньня. Давіда. О, як гэта добра і цудоўна, калі браты ў згодзе жывуць!

ПСАЛТЫР 34:14

Захоўвай язык свой ад ліхога, а вусны свае — ад слова крывадушнага.

МАЦЬВЕЯ 5:9

Шчасьлівыя міратворцы, бо яны сынамі Божымі будуць названыя.

МАРКА 9:50

Соль добрая, але калі соль станецца несалёнай, чым яе прыправіце? Мейце ў сабе соль і супакой мейце між сабою».

РЫМЛЯНАЎ 12:18

Калі магчыма для вас, мейце супакой з усімі людзьмі.

РЫМЛЯНАЎ 15:2

Бо кожны з нас няхай дага­джае бліжняму на дабро, дзеля збудаваньня.

1 КАРЫНФЯНАЎ 10:23

Усё мне можна, але ня ўсё карысна; усё мне можна, але ня ўсё будуе.

1 КАРЫНФЯНАЎ 10:33

як і я дагаджаю ўсім у-ва ўсім, шукаючы не для сябе карысьці, але для многіх, каб яны былі збаўленыя.

1 КАРЫНФЯНАЎ 14:26

Дык што, браты? Калі вы зыходзіцеся, кожны з вас мае псальм, мае навучаньне, мае [незнаёмую] мову, мае адкрыцьцё, мае тлумачэньне; усё няхай будзе на збудаваньне.

1 КАРЫНФЯНАЎ 14:3

А хто прарочыць, той гаворыць людзям на збудаваньне, і на заахвочваньне, і на пацяшэньне.

1 КАРЫНФЯНАЎ 14:4

Хто гаворыць [незнаёмай] моваю, збудоўвае сябе; а хто прарочыць, царкву збудоўвае.

1 КАРЫНФЯНАЎ 14:5

Хачу, каб вы ўсе гаварылі мовамі, але больш, каб вы прарочылі, бо той, хто прарочыць, большы за таго, хто гаворыць мовамі, хіба што ён будзе і тлумачыць, каб царква атрымала збудаваньне.

1 КАРЫНФЯНАЎ 7:15

А калі бязьверны разлучаецца, няхай разлучаецца; брат ці сястра ў гэтакіх [выпадках] не прыняволеныя, бо да супакою паклікаў нас Бог.

1 КАРЫНФЯНАЎ 8:1

Адносна ахвяраў ідалам мы ведаем, бо маем усякае веданьне. Але веданьне робіць ганарыстым, а любоў будуе.

2 КАРЫНФЯНАЎ 12:19

Ці ізноў думаеце, што мы апраўдываемся перад вамі? Мы гаворым перад Богам у Хрысьце, а ўсё, улюбёныя, дзеля вашага збудаваньня.

2 КАРЫНФЯНАЎ 13:11

Нарэшце, браты, радуйцеся, рабіцеся дасканалымі, суцяшайцеся, будзьце аднадумнымі, жывіце ў супакоі, і Бог любові і супакою будзе з вамі.

ЭФЭСЯНАЎ 4:12

дзеля ўдасканальваньня сьвятых на справу служэньня, на будаваньне Цела Хрыстовага,

ЭФЭСЯНАЎ 4:29

Аніякае благое слова няхай не выходзіць з вуснаў вашых, а толькі добрае дзеля збудаваньня ў веры, каб ласку давала тым, што слухаюць.

1 ЦІМАФЕЯ 1:4

і не зважалі на байкі і радаводы бясконцыя, якія выклікаюць больш спрэчак, чым Божага збудаваньня ў веры.

2 ЦІМАФЕЯ 2:22

Ад юнацкіх пажаданьняў уцякай, а імкніся да праведнасьці, веры, любові, супакою з тымі, хто прызывае Госпада ад чыстага сэрца.

ГАБРЭЯЎ 12:14

Імкніцеся да супакою з усімі і да сьвятасьці, без якое ніхто ня ўбачыць Госпада,

1 ПЯТРА 3:11

няхай ухіляецца ад ліха і робіць дабро; няхай шукае супакою і імкнецца да яго.