РЫМЛЯНАЎ 13:12

Біблія (пераклад А.Бокуна)

Ноч зыходзіць, а дзень наблізіўся, дык адкінем справы цемры і апранемся ў зброю сьвятла.

Крыжаваныя спасылкі

ПЕСЬНЯ 2:17

Пакуль дзень дыхае [ветрам] і зьнікаюць цені, вярніся! Будзь падобны, любы мой, да сарны, да маладога аленя на гарах Бэтэр».

ІСАІ 2:20

У той дзень выкіне чалавек кратам і кажанам ідалаў сваіх срэбных і ідалаў сваіх залатых, якія зрабіў сабе, каб пакланяцца ім,

ІСАІ 30:22

І ты будзеш лічыць нячыстым срэбнае пакрыцьцё балванаў тваіх і залатое адзеньне ідалаў тваіх. Выкінеш іх як брудную анучу, і скажаш: «Прэч».

РЫМЛЯНАЎ 13:14

але апраніцеся ў Госпада Ісуса Хрыста і не дагаджайце целу ў пажаданьнях.

1 КАРЫНФЯНАЎ 10:11

А ўсё гэтае здарылася з імі ў прыклад і напісана дзеля напамінаньня нам, на якіх канец вякоў прыйшоў.

1 КАРЫНФЯНАЎ 7:29

Але кажу вам, браты: час ужо наблізіўся; таму тыя, што маюць жонак, павінны быць як ня маюць;

2 КАРЫНФЯНАЎ 10:4

бо зброя змаганьня нашага не цялесная, але магутная ад Бога на руйнаваньне цьвярдыняў.

2 КАРЫНФЯНАЎ 6:7

у слове праўды, у моцы Божай, са зброяй праведнасьці ў правай і ў левай руцэ,

ЭФЭСЯНАЎ 4:22

каб адкінуць вам ранейшы лад жыцьця старога чалавека, які зьнішчаецца ў манлівых пажаданьнях,

ЭФЭСЯНАЎ 5:11

і ня ўдзельнічайце ў бясплодных справах цемры, а лепш дакарайце.

ЭФЭСЯНАЎ 5:8

Вы былі некалі цемрай, а цяпер — сьвятло ў Госпадзе; хадзіце ж, як дзеці сьвятла,

ГАБРЭЯЎ 10:25

не пакідаючы зграмаджэньня свайго, як ёсьць у некаторых звычай, але заклікаючы [ў яго], і тым больш, калі бачыце, што набліжаецца дзень той.

ГАБРЭЯЎ 12:1

Дык і мы, маючы навокал нас гэткае воблака сьведкаў, адкінуўшы ўсякі цяжар і грэх, які нас аблытвае, з цярплівасьцю будзем бегчы ў змаганьні, што ляжыць перад намі,

ЯКАВА 1:21

Дзеля гэтага, адкінуўшы ўсякі бруд і празьмернасьць ліхоты, у ціхасьці прыйміце насаджанае слова, якое можа збавіць душы вашыя.

ЯКАВА 5:8

Будзьце доўгацярплівымі і вы, умацуйце сэрцы вашыя, бо прыйсьце Госпада набліжаецца.

1 ПЯТРА 2:1

Дык адклаўшы ўсякую ліхоту, і ўсякі подступ, і крывадушнасьць, і зайздрасьць, і ўсякія абмаўляньні,

1 ПЯТРА 4:7

А канец усяму набліжаецца. Дык будзьце пры розуме і цьвярозымі ў малітвах.

2 ПЯТРА 3:11

Калі так усё гэтае разбурыцца, якімі мусіце быць у сьвятым ладзе жыцьця і пабожнасьці вы,

2 ПЯТРА 3:9

Не марудзіць Госпад з абяцаньнем, як гэта некаторыя за маруднасьць уважаюць, але Ён доўгацярплівы да нас, не жадаючы некага загубіць, але каб усіх прывесьці да навяртаньня.

1 ЯНА 2:18

Дзеці! Апошняя гадзіна! І як вы чулі, што прыйдзе антыхрыст, і цяпер зьявілася шмат антыхрыстаў, дык мы даведваемся з гэтага, што апошняя гадзіна.

АДКРЫЦЦЁ 1:3

Шчасьлівы той, які чытае, і тыя, якія слухаюць словы прароцтва і захоўваюць тое, што напісана ў ім, бо час блізкі.

АДКРЫЦЦЁ 22:10

І кажа мне: «Не запячатывай словы прароцтва кнігі гэтае, бо час блізкі.