ПСАЛТЫР 99:5

Біблія (пераклад А.Бокуна)

Узьвялічвайце ГОСПАДА, Бога нашага, і пакланіцеся каля падножжа стоп Ягоных, [бо] сьвяты Ён!

Крыжаваныя спасылкі

1 ЛЕТАПІСАЎ 28:2

І стаў валадар Давід на ногі свае, і сказаў: «Паслухайце мяне, браты мае і народ мой! Было ў мяне ў сэрцы пабудаваць Дом супачынку для Каўчэгу Запавету ГОСПАДА і падножжа пад стопы Бога нашага, і я падрыхтаваўся да будоўлі.

ПСАЛТЫР 107:32

Няхай вывышаюць Яго ў зборы народу і паміж старшыняў няхай хваляць Яго!

ПСАЛТЫР 108:5

бо па-над неба вялікая міласэрнасьць Твая, і праўда Твая — да аблокаў.

ПСАЛТЫР 118:28

Ты — Бог мой, Цябе я буду славіць, Цябе, Божа мой, вывышаць!

ПСАЛТЫР 132:7

Хадзем у сялібу Ягоную, паклонімся перад падножжам стопаў Ягоных.

ПСАЛТЫР 21:13

бо Ты павернеш іх наўцёкі, нацягнеш лук Твой супраць аблічча іхняга.

ПСАЛТЫР 34:3

У ГОСПАДЗЕ будзе хваліцца душа мая; пачуюць [пра гэта] ўцісканыя і ўзрадуюцца.

ПСАЛТЫР 99:3

Няхай славяць імя Ягонае вялікае і страшнае, [бо] сьвятое яно!

ПСАЛТЫР 99:9

Узьвялічвайце ГОСПАДА, Бога нашага, і пакланіцеся перад гарой Яго сьвятою, бо сьвяты ГОСПАД, Бог наш!

ВЫХАД 15:2

Сіла мая і песьня — ГОСПАД, і Ён стаўся для мяне збаўленьнем. Ён — Бог мой, і я ўслаўляю Яго, [Ён —] Бог бацькі майго, і я вывышаю Яго.

ІСАІ 12:4

І скажаце ў дзень гэты: «Слаўце ГОСПАДА! Клічце імя Ягонае! Абвяшчайце сярод народаў дзеяньні Ягоныя! Узгадвайце, якое ўзьвялічанае імя Ягонае!

ІСАІ 25:1

ГОСПАДЗЕ, Ты — Бог мой! Я буду ўзьвялічваць Цябе і хваліць імя Тваё, бо Ты ўчыніў цуды, выканаў намеры даўнейшыя, праўдзівыя.

ІСАІ 66:1

Гэта кажа ГОСПАД: «Неба — пасад Мой, а зямля — падножжа ног Маіх. Які [павінен быць] дом, што вы пабудуеце Мне, і якое месца супачынку Майго?»

АСІІ 11:7

А народ Мой упарта адварочваецца ад Мяне, і хоць яго клічуць да ўзгорняга, ён не ўзвышаецца ў адзінстве.

ЛЯВІТ 19:2

«Прамоў да ўсёй грамады сыноў Ізраіля і скажы ім: “Будзьце сьвятымі, бо сьвяты Я, ГОСПАД, Бог ваш.