ПСАЛТЫР 46:3

Біблія (пераклад А.Бокуна)

Дык ня будзем баяцца, хоць бы захісталася зямля і горы рушылі ў сэрца мора,

Крыжаваныя спасылкі

3 ЦАРСТВАЎ 19:11

І сказаў [Госпад]: «Выйдзі і стань на гары перад абліччам ГОСПАДА». І вось, праходзіў ГОСПАД. І моцны, вялікі вецер пераварочваў горы і разьбіваў скалы перад абліччам ГОСПАДА. Але ня ў ветры ГОСПАД. А пасьля ветру — землятрус. Але не ў землятрусе ГОСПАД.

ЁВА 38:11

і сказаў: “Дасюль дойдзеш, а далей не пяройдзеш, і тут спыніш узбураныя хвалі твае”.

ПСАЛТЫР 18:4

Паклічу я ГОСПАДА, Які годны хвалы, і ад ворагаў маіх збаўлены буду.

ІСАІ 5:3

І цяпер, жыхары Ерусаліму і мужы Юды, рассудзіце паміж Мною і вінаграднікам Маім.

ІСАІ 54:10

Бо горы зрушацца і ўзгоркі захістаюцца, але міласэр­насьць Мая не адыйдзе ад цябе, і запавет супакою Майго не пахісьнецца, кажа ГОСПАД, Які літуецца над табою.

ЕРАМІІ 4:24

Зірнуў на горы, і вось, яны трасуцца, і ўсе ўзгоркі хістаюцца.

ЕРАМІІ 5:22

Вы не баіцёся Мяне, кажа ГОСПАД, не трымціце перад абліччам Маім. Я паставіў пясок мяжой для мора як мяжу вечную, якую яно не пераступіць; хоць паўстануць [хвалі], але ня змогуць, і будуць шалець хвалі, але не перакрочаць [мяжы].

МІХЕЯ 1:4

І горы топяцца прад Ім, і даліны расьцякаюцца, як воск перад абліччам агню, як воды, якія ільюцца па схілах.

НАВУМА 1:5

Горы дрыжаць перад Ім, і ўзгоркі растаюць, і зямля паднялася перад абліччам Ягоным, і сусьвет, і ўсе, што жывуць у ім.

МАЦЬВЕЯ 7:25

І пайшоў дождж, і разьліліся рэкі, і падзьмулі вятры, і ўдарылі на дом той; і ён ня ўпаў, бо быў умацаваны на скале.

АДКРЫЦЦЁ 16:20

І кожны востраў уцёк, і гары не знайшлося.

АДКРЫЦЦЁ 17:15

І кажа мне: «Воды, якія ты бачыў, дзе сядзіць распусьніца, — гэта плямёны, і натоўпы, і народы, і мовы.