ПСАЛТЫР 37:31

Біблія (пераклад А.Бокуна)

Закон Бога ягонага ў сэрцы ягоным; ня будуць хістацца крокі ягоныя.

Крыжаваныя спасылкі

ЁВА 23:11

Нага мая трымалася сьлядоў Ягоных, я пільнаваў шляхі Ягоныя і не зыходзіў з іх.

ПСАЛТЫР 1:2

бо да Закону ГОСПАДА імкненьне ягонае і пра Закон Ягоны будзе разважаць ён днём і ноччу.

ПСАЛТЫР 119:11

У сэрцы маім я хаваю слова Тваё, каб не зграшыць супраць Цябе.

ПСАЛТЫР 119:98

Зрабілі мяне мудрэйшым за ворагаў маіх прыказаньні Твае, бо яны на вякі са мною.

ПСАЛТЫР 121:3

Ён ня дасьць пахіснуцца назе тваёй, не задрэмле Той, Які захоўвае цябе.

ПСАЛТЫР 17:5

крокі мае трымаліся каляінаў Тваіх, стопы мае не хісталіся.

ПСАЛТЫР 37:23

ГОСПАД умацоўвае крокі чалавека, калі шлях ягоны даспадобы Яму.

ПСАЛТЫР 40:8

Тады я сказаў: «Вось, я іду! У скрутку кнігі напісана пра мяне».

ПСАЛТЫР 40:9

Рабіць тое, што падабаецца Табе, Божа мой, я жадаю, і Закон Твой — у нутры маім.

ПСАЛТЫР 44:18

Усё гэта прыйшло на нас, хоць мы не забыліся на Цябе і ня здрадзілі запавету з Табою.

ПСАЛТЫР 73:2

А ў мяне амаль не спатыкнуліся ногі мае, ледзь не пакаўзнуліся крокі мае.

ВЫСЛОЎІ 14:15

Неразумны верыць кожнаму слову, а разумны разважае пра крокі свае.

ВЫСЛОЎІ 4:4

І ён вучыў мяне, і казаў мне: «Няхай трымаецца сэрца тваё словаў маіх, захоўвай прыказаньні мае і жыві.

ІСАІ 51:7

Паслухайце Мяне вы, якія ведаеце праведнасьць, народ, у сэрцы якога Закон Мой. Ня бойцеся ганьбаваньня ад людзей і не палохайцеся зьнявагаў іхніх.

ЕРАМІІ 31:33

Бо вось запавет, які Я заключу з домам Ізраіля пасьля дзён тых, кажа ГОСПАД. Я разьмяшчу Закон Мой у нутры іхнім, і ў сэрцы іхнім напішу яго, і буду для іх Богам, а яны будуць для Мяне народам.

ЕЗЭКІІЛЯ 27:6

з дубоў Башанскіх зрабілі вёслы твае, паклад твой зрабілі з косьці слановай, з самшыта з астравоў Кіттым.

ДРУГІ ЗАКОН 6:6

Гэтыя словы, якія я загадваю табе сёньня, няхай будуць у сэрцы тваім.

ГАБРЭЯЎ 8:10

Вось запавет, які Я заключу з домам Ізраіля пасьля тых дзён, — кажа Госпад, — даючы законы Мае ў думкі іхнія, напішу іх і на сэрцах іхніх, і буду ім Богам, а яны Мне будуць народам.