ПСАЛТЫР 34:16

Біблія (пераклад А.Бокуна)

Вочы ГОСПАДА — на праведных, і вушы Ягоныя — на лямант іхні.

Крыжаваныя спасылкі

ЁВА 18:17

Памяць пра яго зьнікне з зямлі, і ня будзе слаўлена імя ягонае на плошчах.

ЁВА 36:7

Не адварочвае Ён ад праведных вачэй Сваіх, але саджае іх з валадарамі на пасадзе назаўжды, і яны ўзвышаюцца.

ПСАЛТЫР 10:16

ГОСПАД — Валадар на вякі вечныя; пагане счэзнуць з зямлі Ягонай.

ПСАЛТЫР 18:7

У прыгнечаньні маім я клікаў ГОСПАДА і галасіў да Бога майго. Ён пачуў са сьвятыні Сваёй голас мой, і лямант мой перад абліччам Ягоным дайшоў да вушэй Ягоных.

ПСАЛТЫР 33:18

Вось, вока ГОСПАДА над тымі, якія баяцца Яго, якія спадзяюцца на міласэрнасьць Ягоную,

ПСАЛТЫР 94:9

Ці ж Той, Які вуха стварыў, не пачуе? Ці ж Той, Які вока ўфармаваў, ня ўбачыць?

ВЫСЛОЎІ 10:7

Памяць пра праведніка дабраслаўлёная, а імя бязбожнікаў спарахнее.

ВЫСЛОЎІ 15:29

ГОСПАД далёка ад бязбожнікаў, але малітвы праведных Ён чуе.

ЭКЛЕЗІЯСТА 8:10

Таксама бачыў я злачынцаў пахаваных, і прыходзілі [да іх], і адыходзілі ад месца сьвятога, і забываліся ў горадзе, што яны так рабілі. І гэта таксама марнасьць.

ЕРАМІІ 17:13

Надзея Ізраіля, ГОСПАДЗЕ! Усе, якія пакідаюць Цябе, будуць асаромленыя. Тыя, якія адварочваюцца ад Цябе, будуць запісаныя на зямлі, бо яны пакінулі ГОСПАДА, крыніцу вады жывой.

ЕРАМІІ 44:11

Дзеля гэтага так кажа ГОС­ПАД Магуцьцяў, Бог Ізраіля. Вось, Я зьвярну аблічча Маё супраць вас на зло, каб зьнішчыць усяго Юду.

ЛЯВІТ 17:10

Калі хто з дому Ізраіля або з прыхадняў, якія жывуць сярод вас, будзе есьці кроў, Я скірую аблічча Маё супраць душы, якая есьць кроў, і вынішчу яе спаміж народу яе.

ЛЯВІТ 26:17

І Я зьвярну аблічча Маё супраць вас, і будзеце вы падаць перад абліччам ворагаў вашых, і будуць панаваць над вамі тыя, якія вас ненавідзяць, і будзеце вы ўцякаць, хоць ніхто ня бу­дзе гнацца за вамі.

АМОСА 9:4

І нават калі яны пойдуць у палон перад абліччам ворагаў сваіх, там загадаю мячу, і ён заб’е іх; і Я зьвярну вочы Мае на іх на ліха, а не на дабро.