ПСАЛТЫР 142:4

Біблія (пераклад А.Бокуна)

Калі зьнемагае ў-ва мне дух мой, Ты ведаеш сьцежку маю. На дарозе, якой я хаджу, яны таемна [наставілі] сіло на мяне.

Крыжаваныя спасылкі

ЁВА 11:20

А вочы бязбожных сасьлепнуць, і ня будуць яны мець прытулку, і надзея іхняя — стогн душы».

ПСАЛТЫР 1:6

бо ГОСПАД ведае шлях праведных, а шлях бязбожнікаў загіне.

ПСАЛТЫР 140:6

Пыхліўцы таемна [наставілі] пастку для мяне і петлі, расьцягнулі сеці пры сьцежцы, паставілі сіло для мяне. (Сэлях)

ПСАЛТЫР 141:9

Захавай Ты мяне ад пасткі, што яны наставілі на мяне, ад сіла, [што наставілі] злачынцы.

ПСАЛТЫР 143:4

І зьнямогся ў-ва мне дух мой, замерла ў нутры маім сэрца маё.

ПСАЛТЫР 31:11

Бо зьнікае ў смутку жыцьцё маё, і гады мае — ва ўздыханьні. Спатыкнулася ў беззаконьні маім сіла мая, і высахлі косткі мае.

ПСАЛТЫР 69:20

Ты ведаеш ганьбу маю, і сорам мой, і зьнявагу маю; перад Табою ўсе, што перасьледуюць мяне.

ПСАЛТЫР 88:18

атачаюць мяне, як вада, кожны дзень, абступаюць мяне разам.

ПСАЛТЫР 88:8

Націснула на мяне ярасьць Твая, і ўсімі хвалямі Тваімі прыціснуў Ты мяне. (Сэлях)

ЕРАМІІ 18:22

Няхай чуецца крык у дамах іхніх, бо Ты навядзеш на іх раптоўна арду злачынцаў, бо яны выкапалі яму, каб схапіць мяне, і пад ногі мае пасткі паставілі.

ЕРАМІІ 25:35

І ня будзе схову для пастыраў, і ня будзе ратунку для пастухоў авечак.

ЕРАМІІ 30:17

Бо Я вярну здароўе тваё і аздараўлю цябе ад ранаў тваіх, кажа ГОСПАД, бо “адкінутым”, “якога ніхто не шукае”, назвалі цябе, Сыёне.

ЁНЫ 2:8

Калі млела душа мая ў-ва мне, я ўзгадаў ГОСПАДА, і малітва мая прыйшла да Цябе, да сьвятой сьвятыні Тваёй.

МАЦЬВЕЯ 26:56

А гэта ўсё сталася, каб споўніліся Пісаньні прарокаў». Тады ўсе вучні, пакінуўшы Яго, паўцякалі.

2 ЦІМАФЕЯ 4:16

У першай маёй абароне ніхто не прыйшоў да мяне, але ўсе мяне пакінулі. Няхай ня будзе ім палічана!

1 ЦАРСТВАЎ 27:1

І сказаў Давід у сэрцы сваім: «У нейкі дзень я загіну ад рукі Саўла. Ці ня лепш мне схавацца ў зямлі Філістынцаў, каб кінуў Саўл шукаць мяне ў-ва ўсіх межах Ізраіля, і я ўхілюся ад рук ягоных».