ПСАЛТЫР 119:176

Біблія (пераклад А.Бокуна)

Я заблукаў як авечка, што згубілася, адшукай Ты слугу Твайго, бо прыказаньняў Тваіх я не забываўся.

Крыжаваныя спасылкі

ПСАЛТЫР 119:16

У пастановах Тваіх будзе пацяшэньне маё, не забудуся слова Твайго.

ПСАЛТЫР 119:61

Путы бязбожнікаў аблыталі мяне, але Закон Твой я не забыўся.

ПСАЛТЫР 119:93

На вякі не забудуся загадаў Тваіх, бо імі Ты захаваў мне жыцьцё.

ПЕСЬНЯ 1:4

«Цягні мяне за сабой! Пабяжым! Увядзі мяне, валадару, у пакоі свае». «Будзем радавацца і весяліцца з табою, будзем узгадваць пра пяшчоты твае [больш], чым пра віно; заслужана кахаюць цябе!»

ІСАІ 53:6

Усе мы як авечкі заблукалі, кожны з нас зьвярнуў на шлях свой, і ГОСПАД узлажыў на Яго беззаконьне ўсіх нас.

ЕРАМІІ 31:18

Чуючы, Я чуў Эфраіма, які скардзіцца: “Ты пакараў мяне, і я пакараны, як цяля ненавучанае. Навярні мяне, і я навярнуся, бо Ты — ГОСПАД, Бог мой!

ЕРАМІІ 50:6

Народ Мой як авечкі заблуканыя, пастыры іхнія завялі іх бадзяцца па гарах; ад гары да ўзгорку яны хадзілі, і забыліся пра месца адпачынку свайго.

ЕЗЭКІІЛЯ 34:16

Згубленую знайду, заблукалую прывяду, скалечаную перавяжу, хворую ўмацую, а тлустую і дужую зьнішчу. Буду пасьвіць іх паводле суду [справядлівага]”.

ЕЗЭКІІЛЯ 34:6

Блукаюць авечкі Мае на ўсіх гарах і на кожным высокім узгорку, і па ўсім абліччы зямлі разьбегліся авечкі Мае, але ніхто не клапоціцца пра іх і ніхто не шукае іх.

АСІІ 4:6

Зьнішчаны народ Мой, бо няма веданьня. За тое, што ты адкінуў веданьне, і Я адкіну цябе ад сьвятарства Майго. І як ты забыўся пра Закон Бога твайго, і Я таксама забудуся пра сыноў тваіх.

МАЦЬВЕЯ 10:6

а ідзіце больш да авечак з дому Ізраіля, якія загінулі.

МАЦЬВЕЯ 15:24

Ён жа, адказваючы, сказаў: «Я пасланы толькі да авечак з дому Ізраіля, якія загінулі».

ЛУКАША 19:10

Бо Сын Чалавечы прыйшоў знайсьці і збавіць тое, што было загінуўшы».

ЯНА 10:16

Маю Я і іншых авечак, якія ня з гэтага двара, і іх Я мушу прывесьці. І яны пачуюць голас Мой, і станецца адзін статак і адзін Пастыр.

ГАЛЯТАЎ 4:9

Цяпер жа, пазнаўшы Бога, а больш пазнаныя Богам, як вы вяртаецеся ізноў да нядужых і ўбогіх стыхіяў, якім зноў хочаце служыць нанова?

ПІЛІПЯНАЎ 2:13

бо Бог ёсьць Той, Які дзейнічае ў вас паводле ўпадабаньня [Свайго], каб вы і хацелі, і дзейнічалі.

ЯКАВА 1:17

усякі дар добры і ўсякі дарунак дасканалы зыходзяць з вышыні, ад Айца сьвятла, у Якога няма рознасьці, ані ценю зьменлівасьці.

1 ПЯТРА 2:25

Бо вы былі як авечкі, што заблукалі, але цяпер вярнуліся да Пастыра і Епіскапа душаў вашых.