НАВУМА 1:5

Біблія (пераклад А.Бокуна)

Горы дрыжаць перад Ім, і ўзгоркі растаюць, і зямля паднялася перад абліччам Ягоным, і сусьвет, і ўсе, што жывуць у ім.

Крыжаваныя спасылкі

2 ЦАРСТВАЎ 22:8

І дрыжучы, задрыжэла зямля, і падваліны нябесныя зварухнуліся і захісталіся, бо ўгня­віўся Ён.

ЁВА 26:11

Слупы нябесныя дрыжаць і баяцца гневу Ягонага.

ЁВА 9:5

Ён пераносіць горы, і ня ведаюць яны, што Ён пераварочвае іх у гневе Сваім.

ПСАЛТЫР 104:32

Ён гляне на зямлю, і яна дрыжыць; дакранецца да гор, і яны палаюць.

ПСАЛТЫР 114:4

Горы скакалі, быццам бараны, узгоркі — быццам ягняты.

ПСАЛТЫР 114:6

Што вы скачаце, горы, быццам бараны, узгоркі — быццам ягняты?

ПСАЛТЫР 18:7

У прыгнечаньні маім я клікаў ГОСПАДА і галасіў да Бога майго. Ён пачуў са сьвятыні Сваёй голас мой, і лямант мой перад абліччам Ягоным дайшоў да вушэй Ягоных.

ПСАЛТЫР 18:8

І, дрыжучы, задрыжэла зямля, і падваліны гор затрэсьліся і захісталіся, бо ўгнявіўся Ён.

ПСАЛТЫР 46:6

Бог пасярод яго, дык ён не захістаецца; Бог дапаможа яму, як настане раніца.

ПСАЛТЫР 68:8

Божа, калі Ты выходзіў перад народам Тваім, калі праходзіў праз пустыню, (Сэлях)

ПСАЛТЫР 98:7

Няхай мора гудзе і ўсё, што ў ім, сусьвет і ўсё, што жыве ў ім!

ВЫХАД 19:18

А гара Сынай уся дымілася, бо зыйшоў на яе ГОСПАД у агні; і ўзыходзіў ад яе дым, як дым з печы, і ўся гара вельмі хісталася.

ІСАІ 24:1

Вось, ГОСПАД пустошыць зямлю і нішчыць яе, і руйнуе аблічча ейнае, і жыхароў ейных расьцярушвае.

ІСАІ 24:20

Хістаючыся, хістаецца зямля, як п’яны, і гойдаецца, як калыска, цяжарам для яе стаўся грэх ейны; яна ўпадзе і ня ўстане.

ІСАІ 5:25

Таму ўзгарэўся гнеў ГОСПАДА на народ Ягоны, і Ён выцягнуў руку Сваю суп­раць яго, каб пакараць яго, і задры­жэлі горы, і трупы іхнія [сталіся] як сьмецьце сярод вуліцы. Але на гэтым усім не спыніўся гнеў Ягоны, і рука Ягоная яшчэ выцягнута.

ЕРАМІІ 10:10

А ГОСПАД — Бог праўдзівы. Ён — Бог жывы і Валадар вечны. Ад гневу Ягонага дрыжыць зямля, і народы ня могуць устаяць перад гневам Ягоным.

ЕРАМІІ 4:24

Зірнуў на горы, і вось, яны трасуцца, і ўсе ўзгоркі хістаюцца.

ЕЗЭКІІЛЯ 38:20

І задрыжаць перад абліччам Маім рыбы марскія і птушкі нябесныя, зьвяры палявыя і ўсё, што поўзае па зямлі, і ўсе людзі, якія на абліччы зямлі. І будуць зруйнаваныя горы, і заваляцца стромыя [скалы], і ўсе муры ўпадуць на зямлю.

ЁІЛЯ 2:10

Перад абліччам Ягоным трасецца зямля, дрыжыць неба, сонца і месяц цямнеюць, і зоркі губляюць бляск свой.

АМОСА 9:5

І Госпад, ГОСПАД Магуцьцяў, дакранецца да зямлі, і яна растопіцца, і залямантуюць усе, якія жывуць на ёй, і яна ўся ўздымецца, як рака, і затопіць, як рака Эгіпецкая.

МІХЕЯ 1:4

І горы топяцца прад Ім, і даліны расьцякаюцца, як воск перад абліччам агню, як воды, якія ільюцца па схілах.

АБАКУМА 3:10

Убачыўшы Цябе, горы затрэсьліся; паводка рынула, бяздоньне дало голас свой, высока падняўшы рукі свае.

ЗАХАРЫІ 4:7

Хто ты, гара вялікая? Перад абліччам Зэрубабэля [ты будзеш] раўніна, і ён прынясе камень вуглавы з гуканьнямі: ‘[Няхай знойдзе] ласку, [няхай будзе] ласка для яго!’”

МАЛАХІІ 4:1

Бо вось, надыходзіць дзень, які палае, як печ, і ўсе свавольныя, і ўсе тыя, якія робяць нягоднасьць, будуць як салома, і спаліць іх дзень, які надыходзіць, кажа ГОСПАД Магуцьцяў, што не застанецца ад іх ані кораня, ані галінкі.

МАЦЬВЕЯ 27:51

І вось, заслона ў бажніцы была разьдзёртая надвое ад верху да нізу; і зямля затрэслася; і скалы разьдзерліся.

МАЦЬВЕЯ 28:2

І вось, стаўся вялікі землятрус; бо анёл Госпада, зыйшоўшы з неба, падыйшоўшы, адваліў камень ад уваходу ў магілу і сеў на ім.

АДКРЫЦЦЁ 20:11

І ўбачыў я вялікі белы пасад і Таго, Які сядзеў на ім, ад аблічча Якога ўцяклі зямля і неба, і не знайшлося месца для іх.

АДКРЫЦЦЁ 6:14

і неба зьнікла, як скручваецца кніга, і кожная гара і востраў былі зрушаны з месцаў сваіх.

СУДЗЬДЗЯЎ 5:5

Горы таялі перад абліччам ГОСПАДА з Сынаю, перад абліччам ГОСПАДА, Бога Ізраіля.