МІХЕЯ 6:10

Біблія (пераклад А.Бокуна)

Ці ёсьць яшчэ ў доме бязбожніка скарбы бязбожнасьці і эфа няпоўная, праклятая?

Крыжаваныя спасылкі

ВЫСЛОЎІ 10:2

Не прыносяць карысьці скарбы бязбожныя, а праведнасьць ратуе ад сьмерці.

ВЫСЛОЎІ 11:1

Агіда для ГОСПАДА — шалі падманлівыя, а вагі дакладныя даспадобы Яму.

ВЫСЛОЎІ 20:10

Неаднолькавыя вагі і неаднолькавая эфа, адно і другое — агіда для ГОСПАДА.

ВЫСЛОЎІ 20:23

Агіда для ГОСПАДА — неаднолькавыя вагі, і шалі падманлівыя — ня добра.

ВЫСЛОЎІ 21:6

Зьбіраньне скарбаў языком падманлівым — пара, што зьнікае, і шуканьне сьмерці.

АМОСА 3:10

І ня ведаюць яны, як рабіць справядліва, кажа ГОСПАД. Яны зьбіраюць гвалт і ліхадзейства ў палацах сваіх.

АМОСА 3:9

Дайце пачуць [гэта] ў палацах у Ашдодзе і ў палацах у зямлі Эгіпецкай і кажыце: “Зьбярыцеся на гарах Самарыі, і пабачце замяшаньне вялікае сярод яе, і прыгнёт унутры яе”.

МІХЕЯ 6:9

Голас ГОСПАДА кліча ад гораду, і [той, хто мае] цьвярозы розум, баіцца імя Твайго: «Пачуйце кій і Таго, Хто прызначыў яго.

САФОНА 1:9

І Я наведаю ў той дзень усіх, якія скачуць праз парог, якія напаўняюць дом гаспадара свайго гвалтам і падманам.

ЗАХАРЫІ 5:6

І я сказаў: “Што гэта?” І ён сказаў: “Гэта эфа выходзіць”. І сказаў: “Гэта вока іхняе ў-ва ўсёй зямлі”.

ІСУСА 7:1

А сыны Ізраіля дапусьціліся злачынства, бо ўзялі рэчы заклятыя, бо Ахан, сын Кармія, сына Заўдыя, сына Зэраха, з калена Юды, узяў нешта з рэчаў заклятых. І разгневаўся ГОСПАД на сыноў Ізраіля.