ЛЯВІТ 19:2

Біблія (пераклад А.Бокуна)

«Прамоў да ўсёй грамады сыноў Ізраіля і скажы ім: “Будзьце сьвятымі, бо сьвяты Я, ГОСПАД, Бог ваш.

Крыжаваныя спасылкі

ПСАЛТЫР 99:3

Няхай славяць імя Ягонае вялікае і страшнае, [бо] сьвятое яно!

ВЫХАД 19:6

І вы будзеце Маім валадарствам сьвятароў і народам сьвятым”. Гэта словы, якія ты прамовіш да сыноў Ізраіля».

ВЫХАД 22:31

I вы будзеце сьвятымі людзьмі для Мяне; і мяса, разьдзёртага ў полі, ня ешце; сабакам кідайце яго.

ЛЯВІТ 19:1

І прамовіў ГОСПАД да Майсея, кажучы:

ЛЯВІТ 20:26

Будзьце для Мяне сьвятымі, бо сьвяты Я, ГОСПАД, Які аддзяліў вас ад [іншых] народаў, каб вы былі Маімі.

ЛЯВІТ 20:7

Дык асьвяціцеся і будзьце сьвятыя, бо Я — ГОСПАД, Бог ваш!

ЛЯВІТ 21:15

І не зьняславіць ён насеньня свайго сярод народу свайго, бо Я — ГОСПАД, Які асьвячаю яго”».

ЛЯВІТ 21:23

Толькі ня будзе ён увахо­дзіць за заслону і ня будзе падыходзіць да ахвярніка, бо мае загану. Ня будзе ён паганіць сьвятыню Маю, бо Я — ГОСПАД, Які асьвячаю іх”».

ЛЯВІТ 21:8

Будзеш уважаць яго за асьвячонага, бо ён складае хлеб Богу твайму. Няхай будзе ён сьвяты для цябе, бо сьвяты Я, ГОСПАД, Які асьвячае вас.

АМОСА 3:3

Ці пойдуць два [чалавекі] разам, калі яны не дамовіліся?

МАЦЬВЕЯ 5:48

Дык будзьце ж дасканалымі, як дасканалы Айцец ваш, Які ў небе.

2 КАРЫНФЯНАЎ 7:1

Дык, улюбёныя, маючы такія абяцаньні, ачысьцім сябе ад усякага бруду цела і духа, зьдзяйсьняючы сьвятыя рэчы ў страху Божым.

ЭФЭСЯНАЎ 1:4

бо Ён выбраў нас у Ім да стварэньня сьвету, каб быць нам сьвятымі і беззаганнымі перад Ім у любові,

ДРУГІ ЗАКОН 27:10

Будзеш слухаць голас ГОСПАДА, Бога твайго, і выконваць прыказаньні Ягоныя і пастановы Ягоныя, якія я загадваю табе сёньня».

ІСУСА 24:19

І сказаў Егошуа народу: «Вы ня здолееце служыць ГОСПАДУ, бо Ён — Бог сьвяты і Бог зайздросны, і Ён не прабачыць вам бунту вашага і грахоў вашых.

1 ЦАРСТВАЎ 2:2

Ніхто не сьвяты так як ГОСПАД, бо няма нікога іншага, апроч Цябе. Ніхто не магутны, як Бог наш.