ЛУКАША 2:11

Біблія (пераклад А.Бокуна)

бо сёньня нарадзіўся вам у горадзе Давідавым Збаўца, Які ёсьць Хрыстос Госпад.

Крыжаваныя спасылкі

БЫЦЦЁ 3:15

І Я кладу варожасьць паміж табой і жанчынай, паміж насеньнем тваім і насеньнем яе. Яно скрышыць табе галаву, а ты скрышыш яму пяту».

БЫЦЦЁ 49:10

Ня будзе адняты скіпетр ад Юды і заканадаўца — ад ног ягоных, аж пакуль ня прыйдзе Той, чыё яно, і Яму — паслухмянасць народаў.

ПСАЛТЫР 2:2

Паўстаюць валадары зямлі, і князі сабраліся разам супраць ГОСПАДА і супраць Памазанца Ягонага:

ІСАІ 9:6

Бо Дзіця нарадзілася нам, Сын дадзены нам, улада на плячах Ягоных, і назавуць імя Ягонае: Цудоўны Дарадца, Бог Магутны, Бацька Вечнасьці, Князь Супакою.

МАЦЬВЕЯ 1:16

Якуб нарадзіў Язэпа, мужа Марыі, ад якой нарадзіўся Ісус, называны Хрыстос.

МАЦЬВЕЯ 1:21

Вось, яна народзіць Сына, і дасі Яму імя Ісус, бо Ён збавіць народ Свой ад грахоў іхніх».

МАЦЬВЕЯ 16:16

Сымон жа Пётар, адказваючы, сказаў: «Ты — Хрыстос, Сын Бога Жывога».

МАЦЬВЕЯ 16:20

Тады загадаў Ён вучням Сваім, каб нікому не казалі, што Ён ёсьць Ісус Хрыстос.

ЛУКАША 1:43

І адкуль гэта мне, што прыйшла маці Госпада майго да мяне?

ЛУКАША 1:69

і падняў рог збаўленьня нашага ў доме Давіда, слугі Свайго,

ЛУКАША 2:26

І было яму сказана ад Духа Сьвятога, што ён ня ўбачыць сьмерці, пакуль ня ўбачыць Хрыста Госпадавага.

ЛУКАША 2:4

Пайшоў таксама і Язэп з Галілеі, з гораду Назарэт, у Юдэю, у горад Давіда, называны Бэтлеем, бо ён быў з дому і роду Давіда,

ЯНА 1:41

Ён першы знаходзіць брата свайго Сымона і кажа яму: «Мы знайшлі Мэсію, — што перакладаецца Хрыстос».

ЯНА 1:45

Філіп знаходзіць Натанаэля і кажа яму: «Мы знайшлі Таго, пра Каго пісаў Майсей у Законе і Прарокі, — Ісуса, сына Язэпа, што з Назарэту».

ЯНА 11:27

Яна кажа Яму: «Так, Госпадзе! Я веру, што Ты — Хрыстос, Сын Божы, Які прыходзіць у сьвет».

ЯНА 20:31

А гэта напісана, каб вы паверылі, што Ісус ёсьць Хрыстос, Сын Божы, і каб, веручы, мелі жыцьцё ў імя Яго.

ЯНА 4:25

Гаворыць Яму жанчына: «Ведаю, што прыходзіць Мэсія, называны Хрыстос, і калі Ён прыйдзе, абвесьціць нам усё».

ЯНА 4:42

А жанчыне гэтай казалі: «Ужо ня дзеля твайго аповеду верым, бо мы самі чулі і даведаліся, што гэта праўдзіва Збаўца сьвету, Хрыстос».

ЯНА 6:69

І мы паверылі, і пазналі, што Ты — Хрыстос, Сын Бога Жывога».

ЯНА 7:41

Другія казалі: «Ён — Хрыстос». А іншыя казалі: «Хіба з Галілеі прыйдзе Хрыстос?

ДЗЕІ 10:36

Слова паслаў Ён сынам Ізраіля, дабравесьцячы супакой праз Ісуса Хрыста, Які ёсьць Госпад усяго.

ДЗЕІ 13:23

З ягонага насеньня Бог паводле абяцаньня падняў Ізраілю Збаўцу Ісуса.

ДЗЕІ 17:3

паказваючы і адкрываючы, што Хрыстос мусіў цярпець і ўваскрэснуць з мёртвых і што: «Гэты Ісус, пра Якога я абвяшчаю вам, ёсьць Хрыстос».

ДЗЕІ 2:36

Дык няхай упэўнена ведае ўвесь дом Ізраіля, што Бог зрабіў і Госпадам, і Хрыстом Яго, Гэтага Ісуса, Якога вы ўкрыжавалі».

ДЗЕІ 5:31

Яго, Начальніка і Збаўцу, Бог правіцай Сваёй узвысіў, каб даць Ізраілю навяртаньне і адпушчэньне грахоў.

1 КАРЫНФЯНАЎ 15:47

Першы чалавек — з зямлі, зямны; другі Чалавек — Госпад з неба.

ПІЛІПЯНАЎ 2:11

і каб усякі язык вызнаваў, што Госпад Ісус Хрыстос у славу Бога Айца.

ПІЛІПЯНАЎ 3:8

І больш таго, усё лічу за страту дзеля вышэйшага пазнаньня Хрыста Ісуса, Госпада майго, дзеля Якога я ўсё страціў і лічу за гной, каб Хрыста здабыць

КАЛАСЯНАЎ 2:6

Дык як вы прынялі Хрыста Ісуса, Госпада, так хадзіце ў Ім,

1 ЯНА 4:14

І мы бачылі і сьведчым, што Айцец паслаў Сына як Збаўцу сьвету.

1 ЯНА 5:1

Кожны, хто верыць, што Ісус ёсьць Хрыстос, ад Бога народжаны, і кожны, хто любіць Таго, Які нарадзіў, любіць і Народжанага ад Яго.