ЛУКАША 14:11

Біблія (пераклад А.Бокуна)

Бо ўсякі, хто сябе ўзвышае, будзе паніжаны, а хто сябе паніжае, будзе ўзвышаны».

Крыжаваныя спасылкі

2 ЦАРСТВАЎ 22:28

бо людзей прыгнечаных Ты збаўляеш, а вочы пыхлівыя паніжаеш.

ЭСТЭР 6:10

І сказаў валадар Аману: «Пасьпяшайся, вазьмі шату і каня, як ты сказаў, і зрабі гэта Мардэхаю Юдэю, які сядзіць пры браме валадарскай. Не абміні анічога з таго, што ты сказаў».

ЁВА 22:29

Бо Ён паніжае таго, хто пыхлівы, а хто схіляе вочы, той будзе збаўлены.

ПСАЛТЫР 138:6

Бо ўзвышаны ГОСПАД, але бачыць пакорнага і ганарлівага пазнае здалёк.

ПСАЛТЫР 18:27

для чыстага сэрцам Ты чысты сэрцам, і для крывадушнага Ты падступны,

ВЫСЛОЎІ 15:33

Страх перад ГОСПАДАМ навучае мудрасьці, і ўпакораньне папераджае славу.

ВЫСЛОЎІ 18:12

Перад загубай вывышаецца сэрца чалавека, а ўпакораньне папераджае славу.

ВЫСЛОЎІ 25:27

Як нядобра есьці шмат мёду, так дамагацца сваёй славы ня ёсьць слава.

ВЫСЛОЎІ 29:23

Пыха чалавека прыніжае яго, а пакорлівы духам здабудзе славу.

ІСАІ 2:11

Пыхлівыя вочы чалавека спакорацца, і ўзьвялічваньне чалавека будзе паніжана. Толькі ГОСПАД будзе ўзвышаны ў той дзень.

ІСАІ 2:17

І будзе паніжана пыхлі­васьць чалавека, і будзе спакорана ўзьвялічваньне людзей. Толькі ГОСПАД будзе ўзвышаны ў той дзень,

ІСАІ 57:15

Бо гэта кажа Высокі і Узьнесены, Які жыве вечна, і Сьвятое імя Ягонае: «Я жыву на вышынях і ў сьвятасьці, і [Я жыву] з тым, хто зламаны і спакораны духам, каб ажывіць дух пакорных і ажывіць сэрца прыгнечаных.

МАЦЬВЕЯ 23:12

Усякі ж, хто ўзвысіць сябе, паніжаны будзе, а хто паніжае сябе, будзе ўзвышаны.

ЛУКАША 1:51

Ён зьявіў уладу рамяном Сваім, расьсеяў ганарыстых думкамі сэрца іхняга;

ЛУКАША 1:52

скінуў моцных з пасадаў і ўзьвялічыў пакорных;

ЛУКАША 14:12

Сказаў жа і таму, які запрасіў Яго: «Калі ладзіш бяседу ці вячэру, ня кліч сяброў тваіх, ані братоў тваіх, ані сваякоў тваіх, ані суседзяў багатых, каб і яны цябе не запрасілі, і ты атрымаў бы нагароду.

ЛУКАША 18:14

Кажу вам, што гэты пайшоў апраўданым у дом свой, а ня той: бо ўсякі, хто сябе ўзвышае, будзе паніжаны, а хто сябе паніжае, будзе ўзвышаны».

ЯКАВА 1:9

Няхай жа хваліцца паніжаны брат сваёй высокасьцю,

ЯКАВА 4:10

Панізьцеся перад Госпадам, і Ён узвысіць вас.

ЯКАВА 4:6

Але яшчэ большую дае ласку і дзеля гэтага кажа: «Бог пыхлівым працівіцца, а пакорным ласку дае».

1 ПЯТРА 5:5

Таксама і вы, маладыя, падпарадкоўвайцеся старостам, а ўсе, падпарадкоўваючыся адзін аднаму, апраніцеся ў пакорнасьць, бо Бог пыхлівым працівіцца, а пакорным ласку дае.

1 ПЯТРА 5:6

Дык скарыцеся пад уладную руку Божую, каб Ён узьвялічыў вас у свой час.

1 ЦАРСТВАЎ 15:17

І сказаў Самуэль: «Ці не малым ты быў у вачах сваіх, а стаўся ты галавой каленаў Ізраіля. І памазаў цябе ГОСПАД на валадара для Ізраіля,