ЕРАМІІ 33:21

Біблія (пераклад А.Бокуна)

тады можа быць парушаны запавет Мой з Давідам, слугою Маім, каб ня меў ён сына, які будзе валадарыць на паса­дзе ягоным, і з лявітамі сьвятарамі, слугамі Маімі.

Крыжаваныя спасылкі

2 ЦАРСТВАЎ 23:5

Ці не такі дом мой перад Богам? Бо заключыў Ён са мною запавет вечны, устаноўлены і пэўны. Ад Яго збаўленьне маё і ўсё жаданьне маё.

2 ЛЕТАПІСАЎ 21:7

Але не хацеў ГОСПАД выгубіць дом Давіда дзеля запавету, які Ён заключаў з Давідам, і дзеля таго, што Ён абяцаў даць сьветач яму і сынам ягоным на ўсе дні.

2 ЛЕТАПІСАЎ 7:18

Я ўмацую пасад валадарства твайго, як Я заключыў [запавет] з Давідам, бацькам тваім, кажучы: “Ня будзе забраны ў цябе муж, які пануе ў Ізраілі”.

ПСАЛТЫР 132:17

Там Я ўзрашчу рог Давіду, там пастаўлю сьветач памазанцу Майму.

ПСАЛТЫР 89:34

але міласэрнасьці Маёй не забяру ў яго, і вернасьці Маёй ня здраджу.

ПСАЛТЫР 89:36

Я пакляўся [адзін] раз у сьвятасьці Маёй, што не схлушу Давіду.

ІСАІ 55:3

Прыхіліце вуха сваё і прыйдзіце да Мяне, паслухайце, і будзе жыць душа вашая! І Я заключу з вамі запавет вечны дзеля нязьменнай міласэрнасьці, [абяцанай] Давіду.

ІСАІ 66:22

Бо як новае неба і новая зямля, якія Я раблю, будуць стаяць перад абліччам Маім, кажа ГОСПАД, так будзе стаяць насеньне вашае і імя вашае.

ЕРАМІІ 33:18

І сьвятары лявіты не застануцца бяз мужа перад абліччам Маім, які будзе складаць цэласпаленьні, паліць ахвяры хлебныя і прыносіць ахвяры ў-ва ўсе дні».

ДАНІІЛА 7:14

І была дадзена Яму ўлада, слава і валадарства, каб усе народы, плямёны і мовы служылі Яму. Улада Ягоная — улада вечная, якая не праміне, і валадарства Ягонае ня будзе зьнішчана.

МАЦЬВЕЯ 24:35

Неба і зямля прамінуць; а словы Мае не прамінуць.

АДКРЫЦЦЁ 5:10

і зрабіў нас валадарамі і сьвятарамі Богу нашаму; і мы будзем валадарыць на зямлі».