ЕРАМІІ 32:10

Біблія (пераклад А.Бокуна)

і напісаў дамову, і запячатаў, і ўзяў сьведкаў, і адважыў срэбра на вагах.

Крыжаваныя спасылкі

БЫЦЦЁ 23:16

I паслухаў Абрагам Эфрона; і адважыў Абрагам Эфрону срэбра, пра якое ён казаў услых сыноў Хета, чатырыста сыкляў срэбра, якое ўжывалася ў купцоў.

БЫЦЦЁ 23:20

I атрымаў Абрагам тое поле і тую пячору, якая на ім, як магілу на ўласнасьць ад сыноў Хета.

ЁВА 14:17

Ты запячатаеш, як у мяшку, злачынствы мае, і выбеліш правіны мае.

ПЕСЬНЯ 8:6

Палажы мяне як пячатку на сэрца тваё, як пячатку на плячо тваё, бо магутнае як сьмерць каханьне, і няўмольная як пекла рэўнасьць, жар яе — як жар агню, як полымя ГОСПАДА.

ІСАІ 30:8

Цяпер ідзі, напішы на табліцы для іх і запішы гэта ў кнізе, каб было гэта на дзень наступны, як сьведчаньне на вякі.

ІСАІ 44:5

Адзін скажа: “Я — ГОСПАДАЎ”, а другі назавецца імем Якуба, іншы напіша на руцэ сваёй “Для ГОСПАДА”, і назавецца імем Ізраіля».

ЕРАМІІ 32:12

І даў я дамову куплі Баруху, сыну Нэрыя, сына Махсэя, на вачах Ханамээля, [сына] дзядзькі майго, і на вачах сьведкаў, напісаных у дамове куплі, і на вачах усіх [людзей] Юды, якія былі на панадворку вартоўні.

ЕРАМІІ 32:25

А Ты, Госпадзе ГОСПАДЗЕ, сказаў мне: "Купі сабе поле за срэбра і пакліч сьведкаў", а горад будзе аддадзены ў рукі Халдэйцаў!”»

ЕРАМІІ 32:44

І будуць купляць палі за срэбра, і будуць пісаць дамовы, і запячатваць іх, і клікаць сьведкаў у зямлі Бэн’яміна, у ваколіцах Ерусаліму, у гарадах Юды, у гарадах горных, у гарадах лагчынных і ў гарадах Нэгеву, бо Я вярну палонных іхніх, кажа ГОСПАД”».

ДАНІІЛА 8:26

А відзеж пра вечар і раніцу, пра які сказана, — гэта праўда; але ты схавай гэты відзеж, бо [споўніцца] ён праз шмат дзён”.

МАЦЬВЕЯ 27:66

Яны ж, пайшоўшы, вартавалі магілу з вартаю, запячатаўшы камень.

ЯНА 3:33

Хто ж прыняў Яго сьведчаньне, той запячатаў, што Бог праўдзівы.

ЯНА 6:27

Працуйце ж ня дзеля ежы, што зьнішчаецца, але дзеля ежы, якая застаецца ў жыцьцё вечнае, якое дасьць вам Сын Чалавечы, бо на Ім паставіў пячатку Айцец Бог».

2 КАРЫНФЯНАЎ 1:22

Які і запячатаў нас, і даў заруку Духа ў сэрцы нашыя.

ЭФЭСЯНАЎ 1:13

У Ім і вы, пачуўшы слова праўды, Эвангельле вашага збаўленьня, і паверыўшы ў Яго, запячатаныя абяцаным Духам Сьвятым,

ЭФЭСЯНАЎ 4:30

І не засмучайце Сьвятога Духа Божага, Якім вы запячатаныя на дзень адкупленьня.

ДРУГІ ЗАКОН 32:34

Ці ж гэта не схавана ў-ва Мне і не запячатана ў скарбніцах Маіх?

ІСУСА 18:9

І пайшлі мужчыны, і агледзелі зямлю, і апісалі яе і гарады ейныя ў кнізе, дзелячы на сем частак. І вярнуліся да Егошуа ў табар у Шыло.

АДКРЫЦЦЁ 7:2

І ўбачыў я іншага анёла, які ўзыходзіў ад усходу сонца, які меў пячатку Бога Жывога. І закрычаў ён вялікім голасам да чатырох анёлаў, якім дадзена чыніць шкоду зямлі і мору, кажучы:

АДКРЫЦЦЁ 9:4

і сказана ёй, каб не рабіла шкоды ані траве зямной, ані ўсякай зеляніне, ані ўсякаму дрэву, а толькі адным людзям, якія ня маюць пячаткі Божае на ілбах сваіх;

РУТ 4:1

І ўзьняўся Боаз да брамы, і сеў там, і вось, сваяк-абаронца, пра якога казаў Боаз, ідзе. І кажа [Боаз]: «Чалавеча, падыйдзі і сядзь тут». І той падыйшоў, і сеў.