ЕЗЭКІІЛЯ 44:29

Біблія (пераклад А.Бокуна)

Ахвяры хлебныя, ахвяры за грэх і ахвяры аднагараджэньня будуць яны спажываць, і ўсё, што пад закляцьцем у Ізраілі, будзе іхнім.

Крыжаваныя спасылкі

ЕЗЭКІІЛЯ 46:20

І ён сказаў мне: «Гэта месца, дзе сьвятары будуць варыць ахвяры аднагараджэньня і ахвяры за грэх, дзе будуць пячы ахвяры хлебныя, каб не выносіць іх на вонкавы панадворак, асьвячаючы [гэтым] народ».

ЛЯВІТ 2:10

А ўсё, што застанецца, будзе для Аарона і сыноў ягоных. Гэта сьвятое сьвятых з ахвяраў агнявых для ГОСПАДА.

ЛЯВІТ 2:3

А што застанецца ад ахвяры хлебнай, будзе для Аарона і сыноў ягоных. Гэта сьвятое сьвятых з ахвяраў агнявых для ГОСПАДА.

ЛЯВІТ 27:21

І станецца поле гэтае ў го­дзе юбілейным свабодным, сьвятым для ГОСПАДА, як поле пад закляцьцем. Станецца яно ўласнасьцю сьвятара.

ЛЯВІТ 27:28

Калі хто пасьвяціць штосьці з уласнасьці сваёй ГОСПАДУ як заклятае: чалавека, жывёлу або поле ўласнасьці сваёй, ня будзе гэта ані прададзена, ані выкуплена. Кожная [рэч] заклятая — гэта сьвятое сьвятых для ГОСПАДА.

ЛЯВІТ 6:26

Сьвятар, які будзе складаць ахвяру за грэх, будзе яе есьці на месцы сьвятым, на панадворку Намёту Спатканьня.

ЛЯВІТ 6:29

Кожны мужчына з роду сьвятарскага будзе есьці яе. Гэта сьвятое сьвятых.

ЛЯВІТ 7:6

Кожны мужчына з роду сьвятарскага будзе спажываць мяса гэтае на месцы сьвятым. Бо гэта сьвятое сьвятых.

ЛІКІ 18:14

Усё, што пад закляцьцем у Ізраілі, будзе тваім.

ГАБРЭЯЎ 13:10

Мы маем ахвярнік, з якога ня маюць права есьці тыя, якія служаць у намёце.

ІСУСА 13:14

Толькі калену Левія ня дадзена спадчыны. Ахвяры агнявыя ГОСПАДУ, Богу Ізраіля — гэта спадчына ягоная, як прамовіў да яго [Госпад].