ДЗЕІ 16:15

Біблія (пераклад А.Бокуна)

А калі ахрысьцілася яна і дом ейны, яна прасіла, кажучы: «Калі вы лічыце мяне вернай Госпаду, увайшоўшы ў дом мой, жывіце». І затрымала нас.

Крыжаваныя спасылкі

БЫЦЦЁ 19:3

Але ён іх вельмі ўпрошваў, і яны зьвярнулі да яго, і ўвайшлі ў дом ягоны. І ён справіў ім гасьціну, і напёк праснакоў, і яны елі.

БЫЦЦЁ 33:11

Прыймі, прашу, дабраславенства маё, якое я прывёў табе, бо Бог абдараваў мяне, і я маю ўсё». I ён упрасіў яго, і той узяў.

4 ЦАРСТВАЎ 4:8

І сталася, што аднаго дня Элісэй праходзіў праз Шунэм. І там багатая жанчына затрымала яго, каб паеў хлеба. І колькі разоў ён там праходзіў, заходзіў туды падсілкавацца хлебам.

МАЦЬВЕЯ 10:41

Хто прыймае прарока ў імя прарока, атрымае нагароду прарока; і хто прыймае праведніка ў імя праведніка, атрымае нагароду праведніка.

МАЦЬВЕЯ 3:6

і хрысьціліся ў яго ў Ярдане, вызнаючы грахі свае.

ЛУКАША 14:23

І сказаў пан слузе: “Ідзі на дарогі і да платоў і змушай прыйсьці, каб напоўніўся дом мой,

ЛУКАША 24:29

І яны затрымлівалі Яго, кажучы: «Застанься з намі, бо дзень ужо схіліўся да вечара». І Ён увайшоў, каб застацца з імі.

ДЗЕІ 11:14

які скажа табе словы, праз якія будзеш збаўлены ты і ўвесь дом твой”.

ДЗЕІ 16:31

А яны сказалі: «Вер у Госпада Ісуса Хрыста, і будзеш збаўлены ты і дом твой».

ДЗЕІ 16:33

І ў тую ж гадзіну ўначы ён, узяўшы іх, памыў ім раны, і адразу быў ахрышчаны сам і ўсе ягоныя.

ДЗЕІ 16:34

І, завёўшы іх у дом свой, паставіў стол і радаваўся з усім домам, што паверыў у Бога.

ДЗЕІ 18:8

А Крысп, начальнік сынагогі, паверыў у Госпада разам з усім домам сваім, і шмат Карыньцянаў, слухаючы, паверылі і былі ахрышчаныя.

ДЗЕІ 8:12

А калі паверылі Філіпу, які дабравесьціў пра Валадарства Божае і імя Ісуса Хрыста, былі ахрышчаны як мужчыны, так і жанчыны.

ДЗЕІ 8:38

І загадаў спыніць калясьніцу. І зыйшлі абодва ў ваду, як Філіп, так і эўнух, і ахрысьціў яго.

РЫМЛЯНАЎ 16:23

Вітае вас Гай, гасьцінны для мяне і для ўсяе царквы. Вітае вас Эраст, скарбнік гораду, і брат Кварт.

2 КАРЫНФЯНАЎ 12:11

Я стаўся неразумным, хвалячыся; вы мяне змусілі. Бо трэба было, каб я вамі быў адрэкамэндаваны, бо ні ў чым я ня горшы за найпаважнейшых апосталаў, хоць я і нішто.

2 КАРЫНФЯНАЎ 5:14

Бо любоў Хрыстова панукае нас, якія гэтак пастанавілі, што калі адзін памёр за ўсіх, дык усе памерлі.

ГАЛЯТАЎ 6:10

Дык пакуль маем час, будзем рабіць дабро ўсім, а найбольш — сваім у веры.

ЭФЭСЯНАЎ 1:1

Павал, апостал Ісуса Хрыста з волі Божай, — сьвятым, што ў Эфэсе, і верным у Хрысьце Ісусе:

ПІЛІПЯНАЎ 1:7

як справядліва мне думаць адносна ўсіх вас, бо я маю вас у сэрцы як у путах маіх, так і ў абароне, і ў сьцьвярджэньні Эвангельля, вас, якія ўсе — удзельнікі са мною ў ласцы.

ФІЛІМОНА 1:17

Дык калі маеш мяне за супольніка, прыймі яго, як мяне.

ГАБРЭЯЎ 13:2

Пра гасьціннасьць не забывайцеся, бо праз яе некаторыя, ня ведаючы, гасьцявалі анёлаў.

1 ПЯТРА 5:12

Гэта коратка напісаў я вам праз Сілуана, вернага, як лічу, брата, каб суцешыць і засьведчыць, што праўдзівая ласка Божая, у якой вы стаіцё.

2 ЯНА 1:10

Калі хто прыходзіць да вас і не прыносіць гэтага вучэньня, таго не прыймайце ў дом і радавацца яму не кажыце,

3 ЯНА 1:5

Улюбёны! Ты робіш вернае ў тым, што робіш для братоў і для чужынцаў,

3 ЯНА 1:8

А мы павінны прыймаць гэтакіх, каб стацца супрацоўнікамі праўдзе.

1 ЦАРСТВАЎ 28:23

Але ён адмовіўся і сказаў: «Ня буду есьці». Але слугі ягоныя і жанчына тая ўпрошвалі яго, і ён паслухаў голас іхні, і ўстаў з зямлі, і сеў на ложку.