ДАНІІЛА 6:25

Біблія (пераклад А.Бокуна)

Тады Дарый валадар напісаў усім народам, плямёнам і мовам, якія жылі на ўсёй зямлі: «Супакой ваш няхай памножыцца!

Крыжаваныя спасылкі

ЭЗДРЫ 4:17

Валадар паслаў адказ: «Рэхуму канцлеру, і Шымшаю пісару, і іншым таварышам іхнім, якія жывуць у Самарыі і ў іншых [мясцовасьцях] Зарэчча. Супакой і іншае.

ЭСТЭР 3:12

І паклікалі пісараў валадарскіх у трынаццаты дзень першага месяца, і яны напісалі ўсё, што загадаў Аман, да сатрапаў валадара і да ваяводаў, якія ў кожнай акрузе, і князям кожнага народу, у кожную акругу пісьмом ейным і кожнаму народу — моваю ягонай; напісалі ад імя валадара Ахашвэроша і запячаталі сыгнэтам валадара.

ЭСТЭР 7:10

І павесілі Амана на дрэве, якое ён падрыхтаваў для Мардэхая. І гнеў валадара суцішыўся.

ЭСТЭР 8:9

І былі пакліканыя пісары валадарскія ў той час у трэці месяц, значыцца ў месяц Сіван, у дваццаць трэці дзень, і напісалі ўсё так, як загадаў Мардэхай, да Юдэяў і сатрапаў, і да ваяводаў, і князёў акругаў, якія ад Індыі аж да Куша, да ста дваццаці сямі акругаў, у кожную акругу пісьмом ейным і да кожнага народу моваю ягонаю, і да Юдэяў пісьмом іхнім і моваю іхняю.

ПСАЛТЫР 7:15

Вось, [бязбожнік] зачаў злачынства, і цяжарны ліхоцьцем, і народзіць хлусьню.

ПСАЛТЫР 9:16

Уваліліся пагане ў яму, якую зрабілі; у сетку, якую схавалі, патрапіла нага іхняя.

ВЫСЛОЎІ 11:8

Праведнік ратуецца ад бяды, а бязбожнік прыходзіць на месца яго.

ДАНІІЛА 3:4

І весьнік голасна клікаў: «Вам паведамляецца, народы, плямёны і мовы!

ДАНІІЛА 4:1

Я, Навухаданосар, быў у супакоі ў доме маім і шчасьлівы ў палацы маім.

ДРУГІ ЗАКОН 19:19

тады зрабіце яму тое, што ён меў намер зрабіць брату свайму, і вынішчыш зло з асяродзьдзя твайго.

1 ПЯТРА 1:2

паводле прадбачаньня Бога Айца, праз асьвячэньне Духа, дзеля паслухмянасьці і пакрапленьня крывёю Ісуса Хрыста: ласка і супакой няхай вам памножацца!

2 ПЯТРА 1:2

ласка вам і супакой няхай памножацца ў пазнаньні Бога і Ісуса, Госпада нашага.

ЮДЫ 1:2

літасьць вам, і супакой, і любоў няхай памножацца!