ВЫХАД 23:1

Біблія (пераклад А.Бокуна)

Ня будзеш разносіць весткі марнай, і не давай рукі тваёй бязбожніку, каб быць сьведкам няправасьці.

Крыжаваныя спасылкі

БЫЦЦЁ 39:17

I гаварыла з ім гэткімі словамі, кажучы: «Прыйшоў да мяне гэты нявольнік Гебрай, якога ты прывёў да нас, каб сваволіць са мною.

2 ЦАРСТВАЎ 16:3

І сказаў валадар: «А дзе сын гаспадара твайго?» І сказаў Цыва валадару: «Вось, ён застаўся ў Ерусаліме, бо сказаў: “Сёньня вяртае мне дом Ізраіля валадарства бацькі майго”».

2 ЦАРСТВАЎ 19:27

Ён сказаў: «Гаспадару мой, валадар, ашукаў мяне слуга мой! Я, слуга твой, сказаў слузе свайму: “Вазьму сабе асла, сяду на яго і паеду з валадаром”, бо кульгавы слуга твой.

ПСАЛТЫР 101:5

Таго, хто ачарняючы, ачарняе таемна бліжняга свайго, я вынішчу; вочы пыхлівыя і сэрца надзьмутае ня буду зносіць.

ПСАЛТЫР 120:3

Што дасьць табе і якую карысьць прынясе язык здрадлівы?

ПСАЛТЫР 15:3

хто языком сваім не ачарніў, не ўчыніў ліхога бліжняму свайму і ня ўзьвёў ганьбы на таго, хто побач,

ПСАЛТЫР 27:12

Не аддавай мяне ў рукі прыгнятальнікаў маіх, бо сьведкі фальшывыя паўсталі супраць мяне і той, што дыхае няправасьцю.

ПСАЛТЫР 35:11

Паўстаюць сьведкі няправасьці, пра тое, чаго я ня ведаю, выпытваюць мяне,

ВЫХАД 20:16

Ня будзеш сьведчыць супраць бліжняга твайго сьведчаньнем фальшывым.

ВЫХАД 23:7

Ад слова фальшывага будзь далёка, і не забівай нявіннага і праведнага, бо Я не апраўдаю бязбожніка.

ВЫСЛОЎІ 10:18

Хто хавае нянавісьць, у таго вусны хлусьлівыя, а хто паклёп разносіць, той дурань.

ВЫСЛОЎІ 12:17

Хто дыхае праўдаю, той выкажацца праведна, а сьведка фальшывы хлусіць.

ВЫСЛОЎІ 14:5

Сьведка праўдзівы ня схлусіць, а сьведка фальшывы дыхае няпраўдай.

ВЫСЛОЎІ 17:4

Ліхотнік зважае на вусны нягодныя, хлус слухае язык згубны.

ВЫСЛОЎІ 19:28

Сьведка нягодны насьміхаецца над судом, і вусны бязбожнікаў глытаюць злачынства.

ВЫСЛОЎІ 19:5

Сьведка фальшывы не пазьбегне пакараньня, і хто дыхае няпраўдай, не ўратуецца.

ВЫСЛОЎІ 19:9

Сьведка фальшывы не пазьбегне пакараньня, і хто дыхае няпраўдай, загіне.

ВЫСЛОЎІ 21:28

Сьведка хлусьлівы згіне, а чалавек, які слухае, будзе гаварыць заўсёды.

ВЫСЛОЎІ 24:28

Ня сьведчы без прычыны супраць бліжняга твайго, і не падманвай вуснамі тваімі.

ВЫСЛОЎІ 25:18

Як мачуга, меч і вострая страла, так чалавек, які кажа фальшывае сьведчаньне супраць бліжняга свайго.

ВЫСЛОЎІ 25:23

Паўночны вецер прыганяе дождж, а язык абмоўніка [прыносіць] гнеў на тварах.

ВЫСЛОЎІ 6:19

сьведка фальшывы, які дыхае няпраўдай, і той, хто сее нязгоду між братамі.

ЕРАМІІ 20:10

Я чуў абмовы ад многіх: “Жах навокал! Паведаміце, і мы паведамім пра яго!” Усе людзі, якія ў міры са мною, чакаюць падзеньня майго: “Можа, ён будзе падмануты і мы пераможам яго, і адпомсьцім яму”.

ЛЯВІТ 19:11

Не крадзіце, і не хлусіце, і не ашуквайце адзін аднаго.

ЛЯВІТ 19:16

Ня будзь паклёпнікам у народзе сваім. Не цікуй на кроў бліжняга твайго. Я — ГОСПАД!

МАЦЬВЕЯ 19:18

Кажа Яму: «Якія?» Ісус жа сказаў: «Не забівай; не чужалож; не крадзі; ня сьведчы фальшыва;

ЛУКАША 19:8

А Закхей, стаўшы, сказаў Госпаду: «Госпадзе! Вось, палову маёмасьці маёй я аддаю ўбогім, і, калі каго абвінаваціў фальшыва, аддам учацьвёра».

ЛУКАША 3:14

Пыталіся ў яго таксама жаўнеры, кажучы: «А нам што рабіць?» І ён сказаў ім: «Нікога ня крыўдзьце, не абвінавачвайце фальшыва і задавальняйцеся платай сваёй».

ЯНА 7:51

«Няўжо судзіць наш Закон чалавека, ня выслухаўшы яго спачатку і не даведаўшыся, што ён робіць?»

РЫМЛЯНАЎ 3:8

I ці не рабіць нам благое, каб выйшла добрае, як некаторыя блюзьняць на нас і кажуць, што мы гэтак кажам? Справядлівы суд на такіх!

ЭФЭСЯНАЎ 4:25

Дзеля гэтага, адкінуўшы хлусьню, гаварыце кожны праўду бліжняму свайму, бо мы члены адзін аднаму.

ДРУГІ ЗАКОН 5:20

Ня сьведчы супраць бліжняга твайго сьведчаньнем фальшывым.

2 ЦІМАФЕЯ 3:3

няўмольныя, паклёпнікі, неапанаваныя, жорсткія, ненавісьнікі таго, што добрае,

1 ПЯТРА 3:16

маючы добрае сумленьне, каб у тым, за што ачарняюць вас, як ліхадзеяў, былі асаромленыя тыя, якія ганяць ваш добры лад жыцьця ў Хрысьце.

АДКРЫЦЦЁ 12:10

І пачуў я голас вялікі, які казаў у небе: «Цяпер сталася збаўленьне, і моц, і Валадарства Бога нашага, і ўлада Хрыста Ягонага, бо скінуты абвінавальнік братоў нашых, які дзень і ноч вінаваціў іх перад Богам нашым.