ВЫСЛОЎІ 3:2

Біблія (пераклад А.Бокуна)

бо доўгія дні, гады жыцьця і супакой прынясуць яны табе.

Крыжаваныя спасылкі

3 ЦАРСТВАЎ 3:14

А калі ты будзеш хадзіць шляхамі Маімі, калі будзеш захоўваць прыказаньні Мае і пастановы Мае, як хадзіў Давід, бацька твой, Я зраблю доўгімі дні твае».

ЁВА 5:26

І ўвойдзеш у магілу ў гадах сьпелых, як кладзецца сноп пшаніцы ў час свой.

ПСАЛТЫР 119:165

Вялікі супакой Ты даеш тым, якія любяць Закон Твой, і яны не спатыкнуцца.

ПСАЛТЫР 128:6

і будзеш бачыць сыноў ад сыноў тваіх. Супакой над Ізраілем!

ПСАЛТЫР 21:4

Бо Ты сустрэў яго дабраслаўленьнем дабра, усклаў яму на галаву карону з найчысьцейшага золата.

ПСАЛТЫР 91:16

Доўгімі днямі насычу яго і дам убачыць збаўленьне Маё».

ВЫСЛОЎІ 10:27

Страх перад ГОСПАДАМ памнажае дні, а гады бязбожнікаў скароцяцца.

ВЫСЛОЎІ 16:31

Сівізна — слаўная карона, на шляху праведнасьці знаходзяць яе.

ВЫСЛОЎІ 4:10

Слухай, сыне мой, і прыймі словы мае, і памножацца гады жыцьця твайго.

ВЫСЛОЎІ 4:4

І ён вучыў мяне, і казаў мне: «Няхай трымаецца сэрца тваё словаў маіх, захоўвай прыказаньні мае і жыві.

ВЫСЛОЎІ 9:11

Бо праз мяне памножацца дні твае і дададуцца гады жыцьця твайго.

ІСАІ 32:17

І будзе працаю праведнасьці мір, а плодам праведнасьці — спакой і бясьпека на вякі.

РЫМЛЯНАЎ 14:17

Бо Валадарства Божае — гэта ня ежа і пітво, але праведнасьць, і супакой, і радасьць у Духу Сьвятым.

РЫМЛЯНАЎ 15:13

А Бог надзеі няхай напоўніць вас усякай радасьцю і супакоем у веры, каб памножыць у вас надзею моцаю Духа Сьвятога.

РЫМЛЯНАЎ 5:1

Дык, апраўдаўшыся вераю, мы маем мір з Богам праз Госпада нашага Ісуса Хрыста,

ДРУГІ ЗАКОН 11:21

каб памножыліся дні твае і дні сыноў тваіх на зямлі, якую прысягнуў ГОСПАД бацькам тваім даць ім, як дні неба над зямлёй.

ДРУГІ ЗАКОН 5:32

Дык захоўвайце і выконвайце тое, што загадаў вам ГОСПАД, Бог ваш, і не адхіляйцеся ані ўправа, ані ўлева.

1 ЦІМАФЕЯ 4:8

Бо цялеснае практыкаваньне мала карыснае, а пабож­насьць на ўсё карысная, маючы абяцаньне жыцьця цяперашняга і будучага.