ВЫСЛОЎІ 28:18

Біблія (пераклад А.Бокуна)

Хто ходзіць беззаганна, будзе ўратаваны, а крывадушны на шляхах [сваіх] упадзе на адным [з іх].

Крыжаваныя спасылкі

ПСАЛТЫР 125:5

Але тых, што зыходзяць на сьцежкі крывыя свае, няхай выганіць ГОСПАД разам са злачынцамі. Супакой над Ізраілем!

ПСАЛТЫР 25:21

Беззаганнасьць і праведнасьць няхай захаваюць мяне, бо я на Цябе спадзяюся.

ПСАЛТЫР 26:11

А я буду хадзіць у беззаганнасьці маёй. Вызвалі Ты мяне і зьлітуйся нада мною!

ПСАЛТЫР 84:11

Бо [адзін] дзень на панадворку Тваім лепшы за тысячу [іншых]; я выбіраю стаяць каля парога ў Доме Божым, чым жыць у намётах беззаконьня.

ВЫСЛОЎІ 10:25

Калі пранясецца віхура, ня будзе больш бязбожніка, а праведнік мае вечны падмурак.

ВЫСЛОЎІ 10:27

Страх перад ГОСПАДАМ памнажае дні, а гады бязбожнікаў скароцяцца.

ВЫСЛОЎІ 10:9

Хто ходзіць беззаганна, той ходзіць бясьпечна, а хто крывіць шляхі свае, будзе выяўлены.

ВЫСЛОЎІ 28:10

Хто схіляе правых на шлях зла, сам уваліцца ў яму сваю, а беззаганныя атрымаюць у спадчыну добрае.

ВЫСЛОЎІ 28:6

Лепш бедны, які ходзіць у беззаганнасьці сваёй, чым той, які крывіць шляхі свае, дарма што багаты.

ЛІКІ 22:21

І ўстаў Білеам раніцаю, і асядлаў асьліцу сваю і вырушыў разам з князямі Мааву.

ЛІКІ 22:32

І сказаў яму анёл ГОСПАДА: «Навошта тры разы ты біў асьліцу сваю? Вось, я прыйшоў як супраціўнік твой, бо нядобрая дарога [твая] перад табою.

ЛІКІ 22:35

І сказаў анёл ГОСПАДА Білеаму: «Ідзі з тымі людзьмі, але сьцеражыся, бо слова, якое Я прамоўлю да цябе, прамовіш». І пайшоў Білеам з князямі Балака.

ГАЛЯТАЎ 2:14

Але калі я ўбачыў, што яны ня ходзяць проста паводле праўды Эвангельскай, я сказаў Пятру пры ўсіх: «Калі ты, будучы Юдэем, жывеш па-паганску, а не па-юдэйску, чаму паганаў змушаеш жыць па-юдэйску?»

1 ФЕСАЛОНІКІЙЦАЎ 5:3

Калі вось будуць гаварыць: «Супакой і бясьпека», тады неспадзявана прыйдзе на іх зьнішчэньне, быццам мукі радзін на цяжарную, і яны не ўцякуць.

АДКРЫЦЦЁ 3:3

Дык памятай, што ты атрымаў і пачуў, і захоўвай, і навярніся. А калі ня будзеш чуваць, Я прыйду да цябе, як злодзей, і ты ня будзеш ведаць, у якую гадзіну прыйду да цябе.