ВЫСЛОЎІ 28:15

Біблія (пераклад А.Бокуна)

Леў рыклівы і мядзьведзь бадзяжны — [гэта] бязбожны пан над бедным народам.

Крыжаваныя спасылкі

4 ЦАРСТВАЎ 15:16

І спустошыў Мэнахэм Тыфсах і ўсё, што ў ім было, і ваколіцы ягоныя, [пачынаючы] ад Тырцы, бо [горад] не адчыніў яму [брамы]. І ён выбіў яго, і ўсіх цяжарных жанчынаў пасек.

4 ЦАРСТВАЎ 2:24

Ён павярнуўся да іх, і паглядзеў на іх, і пракляў іх у імя ГОСПАДА. І выйшлі дзьве мядзьведзіцы з лесу, і разарвалі сорак двух хлопцаў з іх.

4 ЦАРСТВАЎ 21:16

Таксама Манаса праліваў вельмі шмат крыві нявіннай, аж напоўніў ёю Ерусалім ад краю да краю, ня лічачы грахоў, у якія ўвёў Юду, робячы ліхоту ў вачах ГОСПАДА.

ВЫХАД 1:13

I зьняволілі Эгіпцяне сыноў Ізраіля, і ўціскалі,

ВЫХАД 1:22

I загадаў фараон усяму народу свайму, кажучы: «Кожнага сына, які народзіцца [ў Гебраяў], кідайце ў раку; а кожную дачку пакідайце жывую».

ВЫСЛОЎІ 17:12

[Лепш] спаткаць мядзьведзіцу, пазбаўленую дзяцей, чым дурня ў неразумнасьці ягонай.

ВЫСЛОЎІ 19:12

Гнеў валадара — як рыканьне ільва, а зычлівасьць ягоная — як раса на траве.

ВЫСЛОЎІ 20:2

Ярасьць валадара — як рыканьне ільва, хто выклікае яе, грашыць супраць душы сваёй.

ВЫСЛОЎІ 29:2

Калі памнажаюцца праведнікі, радуецца народ, а калі пануе бязбожнік, народ стогне.

ІСАІ 14:5

Паламаў ГОСПАД кій бязбожнікаў, дубец тых, што пануюць,

ІСАІ 14:6

які біў народы ў лютасьці, б’ючы няспынна, які ў гневе меў уладу над народамі, перасьледуючы іх без шкадаваньня.

АСІІ 13:8

Я сустрэну іх як мядзьве­дзіца, пазбаўленая дзяцей, і ра­зарву заслону сэрца іхняга, і зьем іх там як леў; зьвер палявы разьдзярэ іх.

АСІІ 5:11

Эфраім прыгнечаны, судом паламаны, бо пачаў хадзіць за марнотаю.

САФОНА 3:3

Князі ягоныя сярод яго — ільвы, якія рыкаюць, судзь­дзі ягоныя — ваўкі вечаровыя, якія не пакідаюць [нічога] да раніцы.

МАЦЬВЕЯ 2:16

Тады Ірад, убачыўшы, што мудрацы з яго пасьмяяліся, вельмі разгневаўся і паслаў забіць усіх дзяцей у Бэтлееме і ўсіх ваколіцах яго, ад двух гадоў і малодшых, паводле часу, які даведаўся ад мудрацоў.

1 ПЯТРА 5:8

Будзьце цьвярозымі, чувайце, бо супраціўнік ваш, д’ябал, як леў рыклівы, ходзіць, шукаючы, каго праглынуць.