ВЫСЛОЎІ 27:20

Біблія (пераклад А.Бокуна)

Адхлань і пекла ненасытныя, і вочы чалавека ненасытныя.

Крыжаваныя спасылкі

ЁВА 26:6

Адхлань адкрытая перад Ім, і няма заслоны для Абадону.

ВЫСЛОЎІ 15:11

Адхлань і пекла перад [вачыма] ГОСПАДА, а тым больш сэрцы сыноў чалавечых.

ВЫСЛОЎІ 23:5

Зьвернеш вочы твае на яго, а яго няма, бо справіць яно крылы сабе і паляціць, як арол, аж у неба.

ВЫСЛОЎІ 27:19

Як у вадзе аблічча да аблічча, так сэрца чалавека — да чалавека.

ЭКЛЕЗІЯСТА 1:8

Усе словы стамляюць, ня можа чалавек выказаць [усяго]. Не насыціцца вока гляджэньнем, і не напоўніцца вуха слуханьнем.

ЭКЛЕЗІЯСТА 4:8

[Чалавек] адзін, і няма другога, таксама няма ані сына, ані брата ў яго, і няма канца ўсёй цяжкай працы ягонай, і вока ягонае не насычаецца багацьцем, [і кажа ён:] “Для каго я працую і пазбаўляю душу сваю дабра?” Гэта таксама марнасьць і кепскі занятак.

ЭКЛЕЗІЯСТА 6:7

Уся цяжкая праца чалавека — дзеля вуснаў ягоных, але душа ягоная не насычаецца.

ІСАІ 5:14

Таму адхлань пашырыла горла сваё і разьзявіла бяз меры пашчу сваю, і зыйдзе туды велічнасьць яго, і мноства яго, і гоман яго, і тыя, што весяляцца ў ім.

ЕРАМІІ 22:17

А вочы твае і сэрца тваё [прагнуць] толькі карысьці тваёй, каб праліваць кроў нявінную, каб чыніць крыўды і гвалты.

АБАКУМА 2:5

І, як віно здрадлівае, чалавек пыхлівы, і ён ня мае супакою, ён разьзяўляе, як апраметную, душу сваю, і ён, як сьмерць, не насыціцца, але зьбі­рае да сябе ўсе народы і зграмаджвае да сябе ўсе плямёны».

АГЕЯ 1:9

Спадзяваліся, што будзе шмат, а вось, мала; і што прыносіце ў дом, Я тое разьвею. "Чаму?" — кажа ГОСПАД Магуцьцяў. За Дом Мой, які спустошаны, а вы бяжыцё кожны да дому свайго.

1 ЯНА 2:16

Бо ўсё, што ў сьвеце: пажаданьне цела, і пажаданьне вачэй, і пыха жыцьцёвая, — ня ёсьць ад Айца, але ад сьвету.