ВЫСЛОЎІ 24:13

Біблія (пераклад А.Бокуна)

Еш мёд, сыне мой, бо ён добры, і соты салодкія для паднябеньня твайго.

Крыжаваныя спасылкі

ПСАЛТЫР 119:103

Як салодкія словы Твае паднябеньню майму, саладзей за мёд вуснам маім!

ПСАЛТЫР 19:10

Страх перад ГОСПАДАМ чысты, ён будзе трываць вечна. Суды ГОСПАДА праўдзівыя, а таксама справядлівыя.

ВЫСЛОЎІ 16:24

Прыемныя словы — сотавы мёд, асалода для душы і лекі для цела.

ВЫСЛОЎІ 25:16

[Як] знайшоў мёд, еш, колькі трэба табе, каб ты не пераеў і не званітаваў.

ВЫСЛОЎІ 25:27

Як нядобра есьці шмат мёду, так дамагацца сваёй славы ня ёсьць слава.

ВЫСЛОЎІ 27:7

Душа насычаная топчацца па мёдзе, а душы галоднай усё горкае салодкае.

ПЕСЬНЯ 4:11

Мёд сотавы сьцякае з вуснаў тваіх, нявеста, мёд і малако пад языком тваім, а водар шатаў тваіх — як водар Лібану.

ПЕСЬНЯ 5:1

«Я ўвайшоў у сад мой, сястра мая, нявеста; зьбі­раю міру маю з пахошчамі маімі, ем соты мае з мёдам маім, п’ю віно маё з малаком маім. Ешце, сябры, і піце, і насычайцеся каханьнем!»

ІСАІ 7:15

Масла і мёд Ён будзе есьці, пакуль не навучыцца адкідаць зло і выбіраць дабро.

МАЦЬВЕЯ 3:4

Сам жа Ян меў адзеньне з вярблюдавага воласу і скураны пояс на паясьніцы сваёй, а ежаю яго была саранча і дзікі мёд.

СУДЗЬДЗЯЎ 14:9

І ўзяў яго ў рукі, і еў мёд у дарозе. І вярнуўся да бацькі і маці, і даў ім частку, і яны пакаштавалі. Але не хацеў ім казаць, што мёд узяў з цела ільва.

1 ЦАРСТВАЎ 14:27

А Ёнатан ня чуў, як бацька ягоны зьвязаў народ прысягай. І выцягнуў ён канец кія, які [быў] у руцэ ягонай, і ткнуў ім у плястар мёду, і паднёс да вуснаў рукою сваёю, і вочы ягоныя заясьнелі.