ВЫСЛОЎІ 19:2

Біблія (пераклад А.Бокуна)

Таксама нядобра душы бяз ведаў, і хто сьпяшаецца нагамі [сваімі], саграшыць.

Крыжаваныя спасылкі

4 ЦАРСТВАЎ 4:39

І выйшаў адзін з іх у поле назьбіраць зеляніны. І знайшоў ён дзікую расьліну, і назьбіраў з яе дзікіх пладоў поўны плашч свой. І ён вярнуўся, і накідаў іх у кацёл з поліўкай, а ён ня ведаў, што гэта была [за расьліна].

ЁВА 31:5

Ці ж хадзіў я ў марнасьці, і ці ж нага мая сьпяшалася да подступу?

ВЫСЛОЎІ 1:16

бо ногі іхнія бягуць да злачынства і сьпяшаюцца на праліцьцё крыві.

ВЫСЛОЎІ 10:21

Вусны праведнага пасьвяць многіх, а бязглуздыя паміраюць ад нястачы розуму.

ВЫСЛОЎІ 14:29

У павольнага на гнеў багата розуму, а запальчывы выяўляе дурасьць.

ВЫСЛОЎІ 21:5

Думкі руплівага [прыносяць] прыбытак, а кожны нецярплівы [будзе мець] нястачу.

ВЫСЛОЎІ 25:8

Не кідайся пасьпешліва судзіцца, бо што зробіш у канцы, калі асароміць цябе бліжні твой.

ВЫСЛОЎІ 28:20

Чалавек верны мае шмат дабраславенстваў, а хто сьпяшаецца ўзбагацець, не пазьбегне пакараньня.

ВЫСЛОЎІ 28:22

Сьпяшаецца да багацьця чалавек ліхога вока і ня ведае, што нястача прыйдзе на яго.

ВЫСЛОЎІ 29:20

Ці бачыў ты чалавека, хуткага на словы? На дурня большая надзея, чым на такога.

ЭКЛЕЗІЯСТА 12:9

Акрамя таго, што Эклезіяст быў мудры, ён вучыў таксама людзей ведам, і прыслухоўваўся, і дасьледаваў, і склаў шмат прыповесьцяў.

ЭКЛЕЗІЯСТА 7:9

Ня будзь хуткі да гневу ў духу тваім, бо гнеў жыве ў заўлоньні дурняў.

ІСАІ 27:11

Калі гальлё ягонае высахне, будзе адламанае, і прыйдуць жанчыны, і спаляць яго. Гэты народ неразумны, дзеля гэтага не пашкадуе яго Той, Які зрабіў яго, і ня зьлітуецца над ім Той, Які ўкшталтаваў яго.

ІСАІ 28:16

Дзеля гэтага так кажа Госпад ГОСПАД: «Вось, Я кладу на Сыёне камень, камень выпрабаваны, вуглавы, каштоўны, моцна ўгрунтаваны. Хто верыць у Яго, ня будзе ўцякаць.

АСІІ 4:6

Зьнішчаны народ Мой, бо няма веданьня. За тое, што ты адкінуў веданьне, і Я адкіну цябе ад сьвятарства Майго. І як ты забыўся пра Закон Бога твайго, і Я таксама забудуся пра сыноў тваіх.

ЯНА 16:3

І гэтак учыняць вам, бо не пазналі ані Айца, ані Мяне.

РЫМЛЯНАЎ 10:2

Бо сьведчу ім, што маюць руплівасьць Божую, але не паводле пазнаньня.

ПІЛІПЯНАЎ 1:9

і малюся пра тое, каб любоў вашая яшчэ больш і больш памнажалася ў пазнаньні і ўсякім разуменьні,