ВЫСЛОЎІ 16:20

Біблія (пераклад А.Бокуна)

Разважлівы ў слове знойдзе добрае, і той, хто спадзяецца на ГОСПАДА, — шчасьлівы.

Крыжаваныя спасылкі

1 ЛЕТАПІСАЎ 5:20

I атрымалі яны дапамогу супраць іх, былі аддадзеныя ў рукі іхнія Агаране і ўсё, што [было] ў іх, бо яны ў часе бітвы клікалі да Бога, і Ён даў ім упрасіць Сябе, бо яны спадзяваліся на Яго.

ПСАЛТЫР 125:1

Сьпеў узыходжаньня. Тыя, што спадзяюцца на ГОСПАДА, [яны] як гара Сыён, якая не пахісьнецца і будзе на вякі.

ПСАЛТЫР 146:5

Шчасьлівы той, у каго Бог Якуба — дапамога, у каго надзея на ГОСПАДА, Бога ягонага,

ПСАЛТЫР 2:12

Ушануйце Сына, каб не разгневаўся і каб ня зьнішчыў шляху [вашага], бо неўзабаве ўзгарыцца гнеў Ягоны! Шчасьлівыя ўсе, якія ў Ім маюць надзею.

ПСАЛТЫР 32:10

Шмат болю ў бязбожніка, а таго, хто спадзяецца на ГОСПАДА, міласэрнасьць атачае.

ПСАЛТЫР 34:8

Анёл ГОСПАДА ставіць табар вакол тых, якія баяцца Яго, і ратуе іх.

ВЫСЛОЎІ 13:13

Хто пагарджае Словам, той будзе зьнішчаны, а хто баіцца прыказаньняў, атрымае ўзнагароду.

ВЫСЛОЎІ 13:15

Добры розум дае зычлівасьць, а шлях ліхадзеяў цяжкі.

ВЫСЛОЎІ 17:2

Разумны слуга будзе панаваць над шалапутным сынам і між братоў будзе дзяліць спадчыну.

ВЫСЛОЎІ 19:8

Хто набывае розум, той любіць душу сваю, хто шукае разважлівасьці — знаходзіць дабро.

ВЫСЛОЎІ 8:35

Бо хто знойдзе мяне, знойдзе жыцьцё і атрымае ласку ад ГОСПАДА,

ІСАІ 30:18

Дзеля гэтага чакае ГОСПАД, каб зьлітавацца над вамі, і дзеля гэтага Ён узьнімецца, каб зьлітавацца над вамі, бо ГОСПАД — Бог правасудзьдзя. Шчасьлівыя ўсе, якія на Яго спадзяюцца.

ДАНІІЛА 3:28

Адказаў Навухаданосар і сказаў: «Дабраслаўлёны Бог Шадраха, Мэшаха і Авэд-Нэго, Які паслаў анёла Свайго і выратаваў слугаў Сваіх, якія спадзяваліся на Яго, і не паслухалі слова валадара, і аддалі целы свае, каб не служыць і не пакланяцца іншаму богу, акрамя Бога іхняга.

ДАНІІЛА 6:23

Тады валадар моцна ўсьцешыўся і сказаў, каб вывелі Данііла з рову; і Данііл быў выцягнуты з рову, і ніякага пашкоджаньня не знайшлі на ім, бо ён верыў у Бога свайго.

МАЦЬВЕЯ 10:16

Вось, Я пасылаю вас, як авечак сярод ваўкоў; дык будзьце мудрыя, як зьмеі, і шчырыя, як галубы.