ВЫСЛОЎІ 15:32

Біблія (пераклад А.Бокуна)

Хто адкідае настаўленьне, грэбуе душою сваёю, а хто слухае дакараньні, здабывае розум.

Крыжаваныя спасылкі

ПСАЛТЫР 50:17

і ненавідзіш настаўленьне, і словы Мае за сябе кідаеш?

ВЫСЛОЎІ 1:7

Страх перад ГОСПАДАМ — пачатак веданьня. Неразумныя пагарджаюць мудрасьцю і настаўленьнем.

ВЫСЛОЎІ 10:17

На сьцежцы жыцьця той, хто прыймае настаўленьне, а хто адкідае дакараньне — блукае.

ВЫСЛОЎІ 13:18

Галеча і ганьба таму, хто адкідае настаўленьне, а той, хто прыймае дакараньні, будзе ў пашане.

ВЫСЛОЎІ 15:14

Сэрца разумнае шукае веданьня, а вусны неразумных жывяцца дурнотаю.

ВЫСЛОЎІ 15:21

Дурасьць — радасьць для невука, а чалавек разумны ідзе простай дарогай.

ВЫСЛОЎІ 15:31

Вуха, якое слухае дакараньні жыцьця, будзе жыць сярод мудрых.

ВЫСЛОЎІ 15:33

Страх перад ГОСПАДАМ навучае мудрасьці, і ўпакораньне папераджае славу.

ВЫСЛОЎІ 15:5

Неразумны грэбуе настаўленьнем бацькі, а хто зважае на дакараньні — разумнее.

ВЫСЛОЎІ 17:16

Навошта грошы ў руцэ дурнога, каб набыць мудрасьці, калі няма розуму?

ВЫСЛОЎІ 18:15

Сэрца разважнае набывае веды, і вуха мудрых шукае веданьня.

ВЫСЛОЎІ 19:20

Слухай парады і прыймай настаўленьне, каб стаўся ты мудрым пры канцы [дзён].

ВЫСЛОЎІ 29:1

Чалавек, які на дакараньне робіць цьвёрдым карак свой, раптоўна будзе зьнішчаны, і ня будзе аздараўленьня.

ЭКЛЕЗІЯСТА 7:5

Лепш чалавеку слухаць дакараньні мудрага, чым слухаць сьпеў дурняў.

ІСАІ 1:5

Дзе вас яшчэ ўдарыць, калі вы множыце злачынствы? Уся галава хворая, і ўсё сэрца млоснае;

ІСАІ 3:9

Выраз аблічча іхняга сьведчыць супраць іх, як Садом выяўляюць яны грэх свой і не хаваюць [яго]. Гора душы іхняй, бо яны самі сабе рыхтуюць зло.

ЕРАМІІ 5:3

ГОСПАДЗЕ, ці ж вочы Твае ня [зьвернуты] да праўды? Ты ўдарыў іх, а ім не баліць, Ты панішчыў іх, а яны адмовіліся прыняць настаўленьне; яны закамянілі абліччы свае горш за скалу і адмовіліся навярнуцца.

ДРУГІ ЗАКОН 21:18

Калі чалавек будзе мець сына непаслухмянага і ўпорыстага, які ня слухае голас бацькі свайго і голас маці сваёй, і каралі яго, але ён ня слухаўся іх,

ДРУГІ ЗАКОН 21:20

і скажуць старшыням гораду свайго: “Сын наш гэты непаслухмяны і ўпорысты, ня слухае голасу нашага, аддаецца распусьце і п’янству”.

ГАБРЭЯЎ 12:15

гледзячы, каб хто ня страціў ласкі Божае; каб які корань горычы, вырасшы ўверх, не зрабіў шкоды, і каб праз яго не занячысьціліся многія;

ЯКАВА 1:22

Будзьце ж выканаўцамі слова, а не слухачамі толькі, якія ўводзяць у зман саміх сябе.

АДКРЫЦЦЁ 3:19

Я тых, каго люблю, дакараю і караю. Дык будзь руплівы і навярніся.