ВЫСЛОЎІ 13:6

Біблія (пераклад А.Бокуна)

Праведнасьць захоўвае таго, хто беззаганны ў шляху [сваім], а бязбожнасьць губіць грэшніка.

Крыжаваныя спасылкі

3 ЦАРСТВАЎ 1:52

І сказаў Салямон: «Калі ён будзе чалавекам шчырым, не спадзе на зямлю ніводны волас ягоны, але калі выявіцца ў ім ліхоцьце, памрэ».

3 ЦАРСТВАЎ 13:34

І сталася гэта грахом для дому Ерабаама і прычынай загубы і вынішчэньня з аблічча зямлі.

2 ЛЕТАПІСАЎ 28:23

і складаў ахвяры багам Дамаску, якія пабілі яго, і казаў: «Богі валадароў Сірыі дапамагаюць ім, і я буду складаць ахвяры ім, і яны дапамогуць мне». Але яны былі на спатыкненьне яму і ўсяму Ізраілю.

ПСАЛТЫР 119:1

Шчасьлівыя тыя, у якіх шлях беззаганны, якія ходзяць паводле Закону ГОСПАДА.

ПСАЛТЫР 140:11

Няхай пасыплецца на іх вугольле! У агонь няхай кіне Ён іх, у дол глыбокі, каб ім не паўстаць!

ПСАЛТЫР 15:2

Той, хто ходзіць беззаганна, і чыніць праведнасьць, і кажа праўду ў сэрцы сваім,

ПСАЛТЫР 25:21

Беззаганнасьць і праведнасьць няхай захаваюць мяне, бо я на Цябе спадзяюся.

ПСАЛТЫР 26:1

Давіда. Судзі мяне, ГОСПАДЗЕ, бо хадзіў я ў беззаганнасьці маёй і на ГОСПАДА спадзяваўся, не хістаючыся.

ВЫСЛОЎІ 10:29

Шлях ГОСПАДАЎ — апора для беззаганных і загуба для злачынцаў.

ВЫСЛОЎІ 11:20

Агіда для ГОСПАДА крывадушныя сэрцам, але тыя, хто ходзяць беззаганна, даспадобы Яму.

ВЫСЛОЎІ 11:3

Беззаганнасьць правых вядзе іх, а крывадушнасьць здрадлівых загубіць іх.

ВЫСЛОЎІ 21:12

Разважае праведнік пра дом бязбожніка, як гінуць бязбожнікі ў ліхоцьці сваім.

ВЫСЛОЎІ 5:22

Бязбожніка схопяць ягоныя ўласныя правіны, і ён зьвязаны путамі грахоў сваіх.