ВЫСЛОЎІ 13:19

Біблія (пераклад А.Бокуна)

Споўненае жаданьне — асалода для душы, але адвярнуцца ад зла — агіда для дурня.

Крыжаваныя спасылкі

3 ЦАРСТВАЎ 1:48

І сказаў валадар так: “Дабраслаўлёны ГОСПАД, Бог Ізраіля, Які даў сёньня вачам маім бачыць таго, які сядзіць на пасадзе маім, і вочы мае бачылі [гэта]”».

ЁВА 28:28

І сказаў Ён чалавеку: “Страх перад Госпадам — гэта мудрасьць; а пазьбягаць зла — розум”».

ПСАЛТЫР 34:14

Захоўвай язык свой ад ліхога, а вусны свае — ад слова крывадушнага.

ПСАЛТЫР 37:27

Аддаліся ад зла і рабі добрае, і будзеш жыць на вякі.

ВЫСЛОЎІ 13:12

Спадзяваньне, якое доўжыцца, — боль сэрца, а зьдзейсьненае жаданьне — дрэва жыцьця.

ВЫСЛОЎІ 13:18

Галеча і ганьба таму, хто адкідае настаўленьне, а той, хто прыймае дакараньні, будзе ў пашане.

ВЫСЛОЎІ 13:20

Хто ходзіць з мудрым, будзе мудрым, а хто сябруе з дурнем, загалосіць.

ВЫСЛОЎІ 16:17

Шырокая дарога правых — адвярнуцца ад зла; хто пільнуе шлях свой, той захоўвае душу сваю.

ВЫСЛОЎІ 16:6

Міласэрнасьцю і праўдай адкупляецца беззаконьне, і страх перад ГОСПАДАМ адводзіць ад зла.

ВЫСЛОЎІ 29:10

Людзі крывавыя ненавідзяць беззаганнага, а правыя дбаюць пра душу ягоную.

ВЫСЛОЎІ 29:27

Агіда для праведнікаў — чалавек беззаконны, а для бязбожніка агідны той, што [ідзе] простым шляхам. м.

ВЫСЛОЎІ 3:7

Ня будзь мудры ў вачах сваіх, бойся ГОСПАДА і пазьбягай ліхоты.

ПЕСЬНЯ 3:4

Ледзь мінула іх, спаткала таго, якога кахае душа мая, схапіла яго і не пушчу, аж пакуль не завяду яго ў дом маці маёй, у пакой той, якая нарадзіла мяне».

2 ЦІМАФЕЯ 2:19

Але цьвёрды падмурак Божы стаіць, маючы гэтакую пячатку: «Ведае Госпад тых, якія Яго», і: «Няхай адыйдзецца ад няправеднасьці кожны, хто называе імя Хрыста».