ВЫСЛОЎІ 10:21

Біблія (пераклад А.Бокуна)

Вусны праведнага пасьвяць многіх, а бязглуздыя паміраюць ад нястачы розуму.

Крыжаваныя спасылкі

ЁВА 23:12

Ад загадаў вуснаў Ягоных не адступаюся, і захоўваю словы вуснаў Ягоных як пастанову.

ПСАЛТЫР 37:30

Вусны праведніка выказваюць мудрасьць, і язык ягоны гаворыць суд.

ВЫСЛОЎІ 1:29

Бо яны зьненавідзелі веданьне і ня выбралі для сябе страху перад ГОСПАДАМ,

ВЫСЛОЎІ 1:31

Дык няхай ядуць яны плады шляху свайго і насыцяцца намерамі сваімі.

ВЫСЛОЎІ 1:32

Бо адступніцтва неразумных заб’е іх, бяздумнасьць дурняў загубіць іх.

ВЫСЛОЎІ 10:11

Вусны праведніка — крыніца жыцьця, а вусны бязбожнікаў хаваюць няправасьць.

ВЫСЛОЎІ 12:18

Ёсьць такі, што лапоча і раніць, як мечам, а язык мудрага лечыць.

ВЫСЛОЎІ 15:4

Здаровы язык — дрэва жыцьця, а зласьлівы — заламаньне духа.

ВЫСЛОЎІ 15:7

Вусны мудрых сеюць веды, а сэрца бязглуздых не такое.

ВЫСЛОЎІ 17:16

Навошта грошы ў руцэ дурнога, каб набыць мудрасьці, калі няма розуму?

ВЫСЛОЎІ 5:12

І ты скажаш: «Чаму я зьненавідзеў настаўленьне, і сэрца маё ўзгардзіла дакараньнем.

ВЫСЛОЎІ 5:2

каб меў ты разважлівасьць, і вусны твае захавалі веданьне.

ВЫСЛОЎІ 5:23

Ён памрэ без настаўленьня і будзе блукаць дзеля вялікай глупоты сваёй.

ВЫСЛОЎІ 6:32

Хто чужаложыць з жанчынаю, той бязглузды; загубіць душу сваю той, хто гэтак чыніць.

ЭКЛЕЗІЯСТА 12:11

Словы мудрых — як джалы, і як цьвікі моцна ўбітыя — тыя, што сабралі іх; яны дадзены адзіным Пастырам.

ІСАІ 5:13

Дзеля таго пойдзе ў няволю народ Мой, бо ён ня мае разуменьня, і магнаты ягоныя будуць галадаваць, а мноства ягонае пасохне ад смагі.

ЕРАМІІ 15:16

Я знайшоў слова Тваё і праглынуў яго, і сталася слова Тваё для мяне пацяшэньнем і радасьцю сэрца майго, бо заклікалася імя Тваё нада мною, ГОСПАДЗЕ, Божа Магуцьцяў.

ЕРАМІІ 3:15

І дам вам пастыраў паводле сэрца Майго і яны будуць пасьвіць вас разумна і разважна.

АСІІ 4:6

Зьнішчаны народ Мой, бо няма веданьня. За тое, што ты адкінуў веданьне, і Я адкіну цябе ад сьвятарства Майго. І як ты забыўся пра Закон Бога твайго, і Я таксама забудуся пра сыноў тваіх.

МАЦЬВЕЯ 12:35

Добры чалавек з добрага скарбу сэрца выносіць добрае, а злы чалавек са злога скарбу выносіць злое.

МАЦЬВЕЯ 13:19

Да ўсякага, хто чуе слова пра Валадарства і не разумее, прыходзіць злы і крадзе пасеянае ў сэрцы ягоным; гэта тое, што пасеянае пры дарозе.

РЫМЛЯНАЎ 1:28

I, як яны не спрабавалі мець пазнаньне Бога, аддаў іх Бог няздатнаму розуму рабіць, што не належыць,

1 ПЯТРА 5:2

пасьвіце Божы статак, які ў вас, гледзячы за ім не пад прынукаю, але добраахвотна, і не дзеля прыбыткаў, але з ахвотаю,