ВЫСЛОЎІ 1:11

Біблія (пераклад А.Бокуна)

Калі яны скажуць: «Хадзем з намі! Зробім засаду дзеля праліцьця крыві; наставім без прычыны пастку на нявіннага;

Крыжаваныя спасылкі

ПСАЛТЫР 17:12

Яны падобныя да ільва, які прагне здабычы, і да львяняці, якое ў засадзе ляжыць.

ПСАЛТЫР 35:7

Бо яны без прычыны таемна [наставілі] на мяне ў яме сетку сваю, без прычыны выкапалі яму для душы маёй.

ПСАЛТЫР 56:6

Штодзень яны перакручваюць словы мае; супраць мяне ўсе думкі іхнія, [каб учыніць мне] зло.

ВЫСЛОЎІ 1:16

бо ногі іхнія бягуць да злачынства і сьпяшаюцца на праліцьцё крыві.

ВЫСЛОЎІ 1:18

А яны цікуюць на ўласную кроў, робяць засаду супраць душы сваёй.

ВЫСЛОЎІ 12:6

Словы бязбожнікаў цікуюць на кроў, але вусны правых ратуюць іх.

ВЫСЛОЎІ 24:15

Не цікуй, бязбожніку, каля жытла праведніка, не спусташай месца супачынку ягонага,

ВЫСЛОЎІ 29:24

Хто супольнічае са злодзеем, ненавідзіць душу сваю, ён чуе праклёны, але не выяўляе [гэтага].

ВЫСЛОЎІ 30:14

пакаленьне, у якога зубы — мячы, а сківіцы — нажы, каб есьці ўцісканых на зямлі і гаротных між людзей.

ЕРАМІІ 11:19

І я быў быццам ягнятка ціхае, якога вядуць на зарэз, і ня ведаў, што супраць мяне яны задумалі думкі [ліхія]: “Зьнішчым дрэва з пладамі і сьсячэм яго з зямлі жывых. Няхай імя ягонае ня ўзгадваецца болей”.

ЕРАМІІ 5:26

бо знайшліся ў народзе Маім бязбожнікі, якія цікуюць як птушкаловы, стаўляюць пасткі, ловяць людзей.

МІХЕЯ 7:2

Загінуў багабойны на зямлі, і няма правага сярод людзей; усе цікуюць на кроў; кожны палюе на брата свайго, [ставячы] пастку.

ЯНА 15:25

Але каб споўнілася слова, напісанае ў Законе іхнім: “Зьненавідзелі Мяне дарэмна”.

ДЗЕІ 23:15

Вы ж цяпер разам з сынэдрыёнам паведаміце тысячніку, каб заўтра ён вывеў яго да вас, быццам маеце дакладней разгледзець адносна яго, а мы, перш, чым ён наблізіцца, гатовыя забіць яго».

ДЗЕІ 25:3

просячы ў яго ласкі, каб ён выклікаў [Паўла] ў Ерусалім, учыніўшы змову, каб забіць яго ў дарозе.