БЫЦЦЁ 28:16

Біблія (пераклад А.Бокуна)

I прачнуўся Якуб зо-сну свайго, і сказаў: «Сапраўды ГОСПАД ёсьць на месцы гэтым, а я ня ведаў!»

Крыжаваныя спасылкі

3 ЦАРСТВАЎ 3:15

І прачнуўся Салямон, і вось, гэта сон. І прыйшоў ён у Ерусалім, і стаў перад Каўчэгам Запавету Госпада, і склаў ахвяры цэласпаленьня і ахвяры мірныя, і зрабіў банкет для ўсіх слугаў сваіх.

ЁВА 33:14

Бог прамаўляе і адзін раз, і другі, а [чалавек] не зважае на гэта.

ЁВА 9:11

Калі Ён прыйдзе да мяне, я ня ўбачу Яго, а калі Ён адыйдзе, не заўважу.

ПСАЛТЫР 139:7

Куды мне ісьці ад Духа Твайго і ад аблічча Твайго куды ўцячы?

ПСАЛТЫР 68:35

Прызнайце моц Божую! Над Ізраілем слава Ягоная, і моц Ягоная — у аблоках.

ВЫХАД 15:11

Хто, як Ты, ГОСПАДЗЕ, між багамі? Хто, як Ты, праслаўлены ў сьвятасьці, страшны ў хвале, Той, Які робіць цуды?

ВЫХАД 3:4

I ўбачыў ГОСПАД, што ён зьвярнуўся паглядзець [на гэта], і паклікаў яго Бог з сярэдзіны куста, і сказаў: «Майсей, Майсей!» Ён сказаў: «Вось я!»

ВЫХАД 3:5

I сказаў [Бог]: «Не падыходзь сюды; здымі абутак твой з ног тваіх, бо месца, на якім ты стаіш, ёсьць зямля сьвятая».

ІСАІ 8:13

ГОСПАДА Магуцьцяў, Яго сьвяціце, Ён — страх ваш, і Ён [няхай] палохае вас.

ЕРАМІІ 31:26

На гэтым я прачнуўся і разгледзеўся, і сон мой быў прыемны для мяне.

ЛІКІ 12:6

І Ён сказаў [ім]: «Слухайце словы Мае. Калі бу­дзе ў вас прарок ГОСПАДА, Я аб’яўлюся яму ў відзежы, і ў снах буду прамаўляць да яго.

ІСУСА 5:13

Калі Егошуа быў на полі каля гораду Ерыхону, ён узьняў вочы і ўбачыў, і вось, муж стаіць насупраць яго і меч аголены ў руцэ ягонай. І падыйшоў Егошуа да яго, і спытаўся: «Ці ты на нашым [баку], ці на баку ворагаў нашых?»

ІСУСА 5:15

Князь войска ГОСПАДА сказаў Егошуа: «Здымі сандалы з ног тваіх, бо месца, на якім ты стаіш, — сьвятое». І Егошуа зрабіў так.