БЫЦЦЁ 1:6

Біблія (пераклад А.Бокуна)

І сказаў Бог: «Няхай станецца прасьцяг сярод водаў і няхай аддзеліць воды ад водаў».

Крыжаваныя спасылкі

БЫЦЦЁ 1:14

І сказаў Бог: «Няхай стануцца сьвяцілы на прасьцягу неба, каб разьдзяляць дзень і ноч, і няхай будуць дзеля знакаў, і вызначаных часоў, і дзён, і гадоў.

БЫЦЦЁ 1:20

І сказаў Бог: «Няхай узварушацца воды рухам душы жывой, і птушкі няхай лётаюць над зямлёю па прасьцягу неба».

ЁВА 26:13

Дух Ягоны распагоджвае неба, і рука Ягоная нішчыць зьмея, які ўцякае.

ЁВА 37:11

Вільгацьцю Ён напаўняе аблокі, і хмары разганяе сьвятлом Сваім.

ЁВА 37:18

Ці ты з Ім расьцягнуў аблокі, моцныя, як люстэрка, адлітае [з мэталю]?

ПСАЛТЫР 104:2

Ты ахінуўся ў сьвятло, быццам у шату, Ты раскінуў нябёсы, як намёт.

ПСАЛТЫР 148:4

Хвалеце Яго, нябёсы нябёсаў, і вы, воды, што па-над нябёсамі!

ПСАЛТЫР 150:1

Альлелюя! Хвалеце Бога ў сьвятыні Ягонай, хвалеце Яго ў прасьцягу моцы Ягонай!

ПСАЛТЫР 19:1

Кіраўніку хору. Псальм Давіда.

ПСАЛТЫР 19:2

Нябёсы абвяшчаюць славу Божую, і прасьцяг апавядае пра творы рук Ягоных.

ПСАЛТЫР 33:6

Словам ГОСПАДА зроблены нябёсы, а подыхам вуснаў Ягоных — усе войскі іхнія.

ПСАЛТЫР 33:9

Бо Ён сказаў — і сталася, Ён загадаў — і паўстала.

ЭКЛЕЗІЯСТА 11:3

Калі хмары будуць напоўненыя дажджом, яны выльлюць [яго] на зямлю, і калі дрэва ўпадзе на поўдзень або на поўнач, на месцы, дзе ўпадзе, там і застанецца.

ІСАІ 40:22

Ён — Той, Які сядзіць па-над скляпеньнем зямлі, і жыхары ейныя — як саранча [перад Ім]; Ён расьцягнуў, як ветразь, нябёсы, і напяў іх як намёт, каб жыць у ім.

ЕРАМІІ 10:10

А ГОСПАД — Бог праўдзівы. Ён — Бог жывы і Валадар вечны. Ад гневу Ягонага дрыжыць зямля, і народы ня могуць устаяць перад гневам Ягоным.

ЕРАМІІ 51:15

Ён учыніў зямлю сілаю Сваёй, угрунтаваў сусьвет мудрасьцю Сваёй і розумам Сваім расьцягнуў неба.

ЗАХАРЫІ 12:1

Цяжар слова ГОСПАДА пра Ізраіля. Кажа ГОСПАД, Які расьцягнуў неба, і заснаваў зямлю, і ўкшталтаваў дух чалавека ў нутры ягоным.

2 ПЯТРА 3:5

Бо ад тых, якія хочуць гэтак [думаць], утоена, што нябёсы былі здаўна, і зямля з вады і праз ваду паўстала праз Слова Божае.