АДКРЫЦЦЁ 2:17

Біблія (пераклад А.Бокуна)

Хто мае вуха, няхай слухае, што Дух кажа цэрквам. Таму, хто пераможа, Я дам есьці ад манны схаванае і дам яму каменьчык белы, і на каменьчыку імя новае напісанае, якога ніхто ня ведае, толькі той, хто атрымаў”.

Крыжаваныя спасылкі

ПСАЛТЫР 25:14

Таямніца ГОСПАДА з тымі, што баяцца Яго, і запавет Свой Ён дае ім ведаць.

ПСАЛТЫР 36:8

Якая каштоўная, Божа, міласэрнасьць Твая! Сыны чалавечыя ў ценю крылаў Тваіх маюць надзею.

ВЫХАД 16:33

I сказаў Майсей Аарону: «Вазьмі адну пасудзіну, і палажы ў яе поўны гомар манны, і пастаў яе перад абліччам ГОСПАДА на захаваньне ў пакаленьні вашыя».

ВЫСЛОЎІ 14:10

Сэрца ведае горыч душы сваёй, і ў радасьць ягоную ня ўвойдзе чужынец.

ВЫСЛОЎІ 3:32

бо ГОСПАД брыдзіцца крывадушным, а з правымі Ён сябруе.

ІСАІ 56:4

Бо гэта кажа ГОСПАД пра эўнухаў, якія захоўваюць суботы Мае і выбіраюць тое, што падабаецца Мне, і трымаюцца моцна запавету Майго:

ІСАІ 56:5

«Я дам ім у доме Маім і ў мурах Маіх памяць і імя лепшае, чым у сыноў і дачок, дам ім імя вечнае, якое ня бу­дзе зьнішчана».

ІСАІ 62:2

І ўбачаць народы праведнасьць тваю, і ўсе валадары — славу тваю, і назавуць цябе імем новым, якое вызначаць вусны ГОСПАДА.

ІСАІ 65:13

Дзеля гэтага так кажа Госпад ГОСПАД: «Вось, слугі Мае будуць есьці, а вы будзеце галадаць; слугі Мае будуць піць, а вы будзеце смагнуць; слугі Мае будуць радавацца, а вы будзеце асаромленыя.

ІСАІ 65:15

І вы пакінеце імя вашае выбранцам Маім на праклён, [які кажа]: “Няхай заб’е цябе Госпад ГОСПАД”, а слугі Мае будуць названыя іншым імем,

МАЦЬВЕЯ 13:11

А Ён, адказваючы, сказаў ім: «Бо вам дадзена ведаць таямніцы Валадарства Нябеснага, а ім ня дадзена.

МАРКА 7:16

Калі хто мае вушы слухаць, няхай слухае».

ЯНА 4:32

Ён жа сказаў ім: «Я маю ежу, якой вы ня ведаеце».

1 КАРЫНФЯНАЎ 2:14

А душэўны чалавек ня прыймае таго, што ад Духа Божага, бо гэта глупства для яго, і ня можа зразумець, бо пра гэта судзіцца духоўна.

КАЛАСЯНАЎ 3:3

бо вы памерлі, і жыцьцё вашае схаванае з Хрыстом у Богу.

АДКРЫЦЦЁ 14:3

І яны сьпяваюць нібы новы сьпеў перад пасадам, і перад чатырма жывёламі, і старостамі, і ніхто ня мог навучыцца сьпеву [гэтаму], акрамя ста сарака чатырох тысячаў, што адкупленыя ад зямлі.

АДКРЫЦЦЁ 19:16

І мае на шатах і на сьцягне Сваім напісанае імя: «Валадар валадароў і Пан паноў».

АДКРЫЦЦЁ 2:11

Хто мае вуха, няхай слухае, што Дух кажа цэрквам. Той, хто пераможа, не дазнае крыўды ад сьмерці другое”.

АДКРЫЦЦЁ 2:7

Хто мае вуха, няхай слухае, што Дух кажа цэрквам. Таму, хто пераможа, Я дам есьці ад дрэва жыцьця, што пасярод раю Божага”.

АДКРЫЦЦЁ 3:22

Хто мае вуха, няхай слухае, што Дух кажа цэрквам”».

АДКРЫЦЦЁ 3:6

Хто мае вуха, няхай слухае, што Дух кажа цэрквам”.