АДКРЫЦЦЁ 14:11

Біблія (пераклад А.Бокуна)

і дым мучэньняў іхніх будзе ўзьнімацца на вякі вякоў, і ня будуць мець супачынку ўдзень і ўначы тыя, якія пакланяюцца зьверу і вобразу ягонаму, і якія атрымалі пазнаку імя ягонага.

Крыжаваныя спасылкі

БЫЦЦЁ 19:28

і глянуў на аблічча Садома і Гаморы, і на аблічча ўсёй зямлі той ваколіцы, і ўбачыў, і вось, дым падымаецца з зямлі, быццам з печы.

ПСАЛТЫР 10:16

ГОСПАД — Валадар на вякі вечныя; пагане счэзнуць з зямлі Ягонай.

ПСАЛТЫР 145:1

Хвала Давіда. Буду вывышаць Цябе, Божа мой і Валадару, і дабраслаўляць імя Тваё на вякі і вечна!

ВЫХАД 15:18

ГОСПАД будзе валадарыць на вякі вечныя.

ІСАІ 33:14

Спалохаліся грэшнікі на Сыёне, ахапіў жах крывадушнікаў: «Хто з нас вытрывае пры агні, які [ўсё] зьядае? Хто з нас вытрывае ў полымі вечным?»

ІСАІ 34:10

Ня згасьне яна ані ўдзень, ані ўначы, і дым ейны будзе падымацца на вякі. З пакаленьня ў пакаленьне будзе спустошана, і на вякі вякоў ніхто праз яе ня пройдзе.

ІСАІ 34:8

бо [гэта] — дзень помсты ГОСПАДА, год адплаты за спрэчку супраць Сыёну.

ІСАІ 57:20

А бязбожнік — як мора ўзбуранае, якое ня можа супакоіцца, і воды ягоныя выкідаюць балота і бруд.

ДАНІІЛА 3:6

А хто не ўпадзе і не паклоніцца, у той жа момант будзе кінуты ў сярэдзіну печы, якая палае агнём».

ЁІЛЯ 2:30

і дам цуды ў небе і на зямлі, кроў і агонь, і слупы дыму.

МАЦЬВЕЯ 11:28

Прыйдзіце да Мяне ўсе спрацаваныя і абцяжараныя, і Я дам вам супачынак.

МАЦЬВЕЯ 25:41

Тады скажа Ён і тым, якія леваруч: “Ідзіце ад Мяне, праклятыя, у агонь вечны, падрыхтаваны д’яблу і анёлам ягоным.

МАЦЬВЕЯ 25:46

І пойдуць гэтыя на пакараньне вечнае, а праведнікі — у жыцьцё вечнае».

ДРУГІ ЗАКОН 28:65

І ня будзеш ты мець супакою ў гэтых народаў, і ня будзе мець супачынку стапа нагі тваёй. І дасьць там табе ГОСПАД сэрца дрыготкае, вочы заплаканыя і душу збалелую.

ГАБРЭЯЎ 1:8

А наконт Сына: «Пасад Твой, Божа, на век вечны; кій правасьці — кій валадарства Твайго.

АДКРЫЦЦЁ 11:15

І сёмы анёл затрубіў, і сталіся вялікія галасы ў небе, якія казалі: «Валадарствы сьвету сталіся [Валадарствам] Госпада нашага і Хрыста Ягонага, і Ён будзе валадарыць на вякі вякоў».

АДКРЫЦЦЁ 13:12

І ўсю ўладу першага зьвера ён зьдзяйсьняе перад ім, і робіць, каб зямля і жыхары яе пакланяліся першаму зьверу, у якога аздароўлена сьмяротная рана ягоная.

АДКРЫЦЦЁ 13:15

І дадзена яму даць дух вобразу зьвера, каб вобраз зьвера і гаварыў, і рабіў, каб тыя, хто не паклоніцца вобразу зьвера, былі забітыя.

АДКРЫЦЦЁ 13:17

і каб ніхто ня мог ані купляць, ані продаць, акрамя тых, якія маюць пазнаку, або імя зьвера, або лічбу імя ягонага.

АДКРЫЦЦЁ 14:9

І трэці анёл ішоў за імі, кажучы голасам вялікім: «Калі хто пакланяецца зьверу і вобразу ягонаму і атрымлівае пазнаку на лоб свой ці на руку сваю,

АДКРЫЦЦЁ 18:18

і, гледзячы на дым ад пажару яго, крычалі, кажучы: «Што падобна да гораду вялікага?»

АДКРЫЦЦЁ 18:9

І загалосяць, і заплачуць па ёй валадары зямныя, якія распусьнічалі і раскашаваліся з ёю, калі ўбачаць дым ад пажару яе,

АДКРЫЦЦЁ 19:3

І другі раз сказалі: «Альлелюя! І дым яе ўзьнімаецца на вякі вякоў».

АДКРЫЦЦЁ 20:10

І д’ябал, які падманваў іх, быў кінуты ў возера агню і серкі, дзе зьвер і фальшывы прарок; і будуць яны мучыцца ўдзень і ўначы на вякі вякоў.

АДКРЫЦЦЁ 22:5

І ночы ня будзе там, і ня будуць мець патрэбы ў сьветачы і ў сьвятле сонца, бо Госпад Бог асьвятляе іх, і будуць валадарыць на вякі вякоў.

АДКРЫЦЦЁ 7:12

кажучы: «Амэн! Дабраслаўленьне, і слава, і мудрасьць, і падзяка, і пашана, і моц, і магутнасьць Богу нашаму на вякі вякоў! Амэн!»