ІСАІ 5:27

Біблія (пераклад А.Бокуна)

ня будзе стомленых у ім і ніхто не спатыкнецца, ніводзін не задрэмле і не засьне, і ня будзе зьняты пояс з паясьніцы ягонай, і ня лопне рамень сандалаў ягоных.

Крыжаваныя спасылкі

3 ЦАРСТВАЎ 2:5

І ты таксама ведаеш, што зрабіў мне Ёаў, сын Цэруі, што ён зрабіў з двума начальнікамі войска Ізраіля, з Абнэрам, сынам Нэра, і з Амасам, сынам Етэра, якіх ён забіў. Ён праліў кроў вайны ў [час] міру, і апаганіў крывёй вайны пояс на сьцёг­нах сваіх і сандалы на нагах сваіх.

ЁВА 12:18

Ён разьвязвае ярмо валадароў і вяроўкай абвязвае сьцёгны іхнія.

ЁВА 12:21

Ён вылівае пагарду на шляхетных, аслабляе пояс адважных.

ПСАЛТЫР 18:32

Бо хто Бог, апрача ГОСПАДА, і хто скала, акрамя Бога нашага?

ПСАЛТЫР 93:1

ГОСПАД валадарыць, апрануўся ў веліч, апрануўся ГОСПАД у моц і падперазаўся. Ён сусьвет умацаваў, што не захістаецца.

ВЫСЛОЎІ 3:23

Тады пойдзеш бясьпечна шляхам тваім, і нага твая не пахісьнецца.

ІСАІ 11:5

І станецца праведнасьць поясам на сьцёгнах Ягоных, а вернасьць — поясам на паясьніцы Ягонай.

ІСАІ 45:1

Гэта кажа ГОСПАД да памазанца Свайго Кіра: «Я моцна трымаю цябе за правую руку тваю, каб скарыць перад абліччам тваім народы і зьняць паясы са сьцёгнаў валадароў, каб адчыніць перад абліччам тваім дзьверы і каб брамы не былі зачынены.

ІСАІ 45:5

Я — ГОСПАД, і няма іншага. Акрамя Мяне няма Бога. Я падперазаў цябе, хоць ты ня ведаеш Мяне,

ДАНІІЛА 5:6

Тады ў валадара зьмяніўся выгляд, і думкі ягоныя ўстрывожылі яго, вязі сьцёгнаў ягоных саслабелі, і калені ягоныя біліся адно аб адно.

МАЦЬВЕЯ 3:4

Сам жа Ян меў адзеньне з вярблюдавага воласу і скураны пояс на паясьніцы сваёй, а ежаю яго была саранча і дзікі мёд.

ДРУГІ ЗАКОН 32:25

На двары будзе нішчыць іх меч, а ў дамах — жах, юнака разам з дзяўчынаю, немаўля разам з чалавекам сівым.