ЁВА 6:4

Біблія (пераклад А.Бокуна)

Бо стрэлы Усемагутнага ў-ва мне, і атруту іхнюю п’е дух мой, і страхі Божыя ваююць супраць мяне.

Крыжаваныя спасылкі

ЁВА 16:9

Гнеў ягоны разрывае і б’е мяне, скрыгоча зубамі сваімі на мяне. Вораг мой утаропіў вочы свае на мяне.

ЁВА 19:12

І прыйшлі разам дружыны Ягоныя, і рыхтуюць валы супраць мяне, і акружылі аблогаю намёт мой.

ЁВА 20:16

Праглыне ён атруту зьмяіную, і заб’е яго язык гадзюкі.

ЁВА 21:20

Няхай убачаць вочы ягоныя загубу яго, і няхай нап’ецца ён гневу Усемагутнага.

ЁВА 30:15

Жахі агарнулі мяне; як вецер зьнікла веліч мая, і збаўленьне маё, як хмара, праляцела.

ЁВА 31:23

Бо страшнае мне было пакараньне Божае, перад веліччу Яго я не магу ўстаяць!

ЁВА 34:6

Ці буду я казаць хлусьліва пра праўду маю? Небясьпечная рана мая, а я без віны”.

ЁВА 7:20

Саграшыў я, дык што маю зрабіць Табе, бо Ты дасьледуеш чалавека? Чаму зрабіў Ты, што я зрабіўся ворагам для Цябе, і сам сабе стаўся невыносным?

ЁВА 9:17

Ён можа зьнішчыць ураганам мяне, і павялічыць раны мае без прычыны.

ПСАЛТЫР 143:7

Пасьпяшайся, адкажы мне, ГОСПАДЗЕ! Чэзьне дух мой! Не хавай жа аблічча Твайго ад мяне, каб ня стаўся я падобным да таго, хто зыходзіць у магілу.

ПСАЛТЫР 18:14

І загрымеў у небе ГОС­ПАД, і Найвышэйшы падаў голас Свой, град і вугольле вогненнае.

ПСАЛТЫР 21:12

Бо яны кнулі ліхое супраць Цябе, надумалі зламыснае, якое не змаглі [зьдзейсьніць],

ПСАЛТЫР 38:2

ГОСПАДЗЕ, у абурэньні Тваім не карай мяне і ў ярасьці Тваёй не вучы мяне!

ПСАЛТЫР 38:3

Бо стрэлы Твае пранізалі мяне, і лягла на мяне рука Твая.

ПСАЛТЫР 45:5

І ў велічы Тваёй мей посьпех, сядзь [пераможна] са словам праўды і лагоднай праведнасьці, і правіца Твая няхай навучыць цябе страху [Божаму].

ПСАЛТЫР 7:13

Калі той не навернецца, Ён вострыць меч Свой, нацягнуў лук Свой і падрыхтаваў,

ВЫСЛОЎІ 14:10

Сэрца ведае горыч душы сваёй, і ў радасьць ягоную ня ўвойдзе чужынец.

ВЫСЛОЎІ 18:14

Дух чалавека пераносіць немач сваю, але дух маркотны хто можа ўзьняць.

ІСАІ 28:19

Колькі разоў пойдзе [навала], схопіць вас, бо будзе яна праходзіць кожную раніцу, і ўдзень, і ўначы, і будзеце з жахам чуць вестку [гэтую].

ПЛАЧ 2:4

Нацягнуў лук Свой, як вораг, выставіў правіцу Сваю, як прыгнятальнік, і забіў усё што было каштоўнае для вока; у намёце дачкі Сыёну выліў гнеў Свой, як агонь.

ПЛАЧ 3:3

Толькі супраць мяне Ён павярнуўся. Ён зьвярнуў руку Сваю на мяне ўвесь дзень.

МАРКА 15:34

І а дзявятай гадзіне Ісус загаласіў моцным голасам, кажучы: «Элёі, элёі, ламма сабахтані», што перакладаецца: «Божа Мой, Божа Мой, чаму Ты Мяне пакінуў?»

2 КАРЫНФЯНАЎ 5:11

Дык, ведаючы страх Госпадавы, мы пераконваем людзей, а для Бога мы яўныя, і спадзяюся, што і для вашых сумленьняў яўныя.

ДРУГІ ЗАКОН 32:42

Я напаю крывёю стрэлы Мае, і меч Мой насыціцца мясам, крывёй забітых і палонных, галовамі варожых правадыроў!”

РУТ 1:20

А яна казала ім: «Не называйце мяне Наомі, але называйце мяне Мара, бо вялікай горыччу напоўніў мяне Усемагутны.