ЁВА 42:11

Біблія (пераклад А.Бокуна)

І прыйшлі да яго ўсе браты ягоныя, і ўсе сёстры ягоныя, і ўсе, хто раней ведаў яго, і елі з ім хлеб у доме ягоным, і спачувалі яму, і пацяшалі яго з прычыны няшчасьця, якое на яго спаслаў ГОСПАД. І кожны даў яму па адной кесыце і па адным залатым пярсьцёнку.

Крыжаваныя спасылкі

БЫЦЦЁ 24:22

I сталася, як вярблюды напіліся, узяў чалавек той залатое колца ў паўсыкля вагою і два бранзалеты на рукі ейныя, вага якіх дзесяць сыкляў золата,

БЫЦЦЁ 24:53

I выняў слуга рэчы срэбныя, і рэчы залатыя, і шаты, і даў Рэбэцы; і каштоўныя рэчы даў брату ейнаму і маці ейнай.

БЫЦЦЁ 37:35

I ўсталі ўсе сыны ягоныя, і ўсе дочкі ягоныя, каб пацешыць яго, але ён адмаўляўся пацешыцца, і казаў: «Бо зыйду да сына майго са смуткам у апраметную». I плакаў па [Язэпе] бацька ягоны.

ЁВА 16:5

і падбадзёрваў бы вас вуснамі сваімі, і ня стрымліваў бы губы свае.

ЁВА 2:11

І пачулі тры сябры Ёва пра вялікае няшчасьце, якое напаткала яго, і прыйшлі, кожны з мясцовасьці сваёй: Эліфаз з Тэману, Більдад з Шуаху і Цафар з Наамы. І дамовіліся яны, каб разам прыйсьці, і наведаць яго, і пацешыць.

ЁВА 4:4

Словы твае ўмацоўвалі кволых і каленям дрыготкім надавалі сілы.

ВЫСЛОЎІ 14:20

Бедны зьненавіджаны нават бліжнім сваім, але шмат тых, хто любіць багатага.

ВЫСЛОЎІ 16:7

Калі ГОСПАДУ даспадобы шляхі чалавека, Ён нават ворагаў ягоных пагодзіць з ім.

ЯНА 11:19

І шмат Юдэяў прыйшлі да Марты і Марыі пацешыць іх па браце іхнім.

РЫМЛЯНАЎ 12:15

Радуйцеся з тымі, хто радуецца, і плачце з тымі, хто плача.

1 КАРЫНФЯНАЎ 12:26

І калі церпіць адзін член, церпяць з ім усе члены; калі славіцца адзін член, радуюцца з ім усе члены.

ГАБРЭЯЎ 12:12

Дзеля гэтага выпрастуйце рукі, што апусьціліся, і калені, што самлелі,

ГАБРЭЯЎ 13:3

Памятайце пра вязьняў, нібы ўвязьненыя разам [з імі], і пра тых, што ў нягодах, як тыя, якія самі ў целе.

ІСУСА 24:32

А косткі Язэпа, якія сыны Ізраіля забралі з сабой з Эгіпту, пахавалі ў Сыхеме, на частцы поля, якое купіў Якуб у сыноў Гамора, бацькі Сыхема, за сто кесітаў, і сталася яно спадчынай сыноў Язэпа.

1 ЦАРСТВАЎ 10:27

А сыны Бэліяла казалі: «Ці зможа ён нас выратаваць?» І пагардзілі ім, і не прынесьлі яму падарункаў, але ён не зьвяртаў на гэта ўвагі.