ЁВА 34:10

Біблія (пераклад А.Бокуна)

Дык паслухайце мяне, людзі разумныя! Бог далёкі ад няправасьці, і Усемагутны — ад беззаконьня.

Крыжаваныя спасылкі

БЫЦЦЁ 18:25

Няхай будзе далёкім ад Цябе, каб Ты ўчыніў такую справу, каб забіць праведнага з бязбожным, каб праведнаму было таксама, як і бязбожнаму! Няхай будзе далёкім ад Цябе! Ці ж Судзьдзя ўсёй зямлі ня ўчыніць правасудзьдзя?»

2 ЦАРСТВАЎ 22:31

Бог, беззаганны шлях Ягоны, слова ГОСПАДА [агнём] ачышчана, Ён — шчыт для ўсіх, хто ў Ім мае надзею.

2 ЛЕТАПІСАЎ 19:7

І цяпер, няхай страх перад ГОСПАДАМ будзе на вас. Зважайце на тое, бо няма беззаконьня ў ГОСПАДА, Бога нашага, ані зважаньня на аблічча, ані браньня хабараў».

ЁВА 34:12

Сапраўды, Бог ня чыніць несправядлівасьці, і Усемагутны не перакручвае суд.

ЁВА 34:34

Людзі разумныя скажуць мне, і чалавек мудры, які слухае мяне, [прамовіць]:

ЁВА 36:23

Хто можа вызначыць шляхі Ягоныя? І хто можа сказаць Яму: “Ты ўчыніў зло”?

ЁВА 37:23

Усемагутнага знайсьці мы ня можам: Ён — магутны ў сіле, судзе і праведнасьці, але не прыгнятае нікога.

ЁВА 8:3

Ці ж Бог перакручвае суд? Ці Усемагутны перакручвае праведнасьць?

ПСАЛТЫР 145:17

Праведны ГОСПАД на ўсіх шляхах Сваіх і сьвяты ў-ва ўсіх справах Сваіх.

ПСАЛТЫР 92:15

Яны плод свой даюць і ў старасьці, яны сакавітыя і сьвежыя,

ВЫСЛОЎІ 15:32

Хто адкідае настаўленьне, грэбуе душою сваёю, а хто слухае дакараньні, здабывае розум.

ВЫСЛОЎІ 6:32

Хто чужаложыць з жанчынаю, той бязглузды; загубіць душу сваю той, хто гэтак чыніць.

ЕРАМІІ 12:1

Праведны Ты, ГОСПАДЗЕ, калі б я судзіўся з Табою. Аднак пра суд буду гаварыць з Табою. Чаму шлях бязбожных мае посьпех і жывуць у супакоі ўсе крывадушнікі здрадлівыя?

САФОНА 3:5

ГОСПАД праведны пасярод яго, ня робіць беззаконьня; кожную раніцу Ён выдае на сьвятло суд Свой, не спыняецца; але злачынца ня ведае сораму.

РЫМЛЯНАЎ 9:14

Дык што скажам? Няўжо няправеднасьць у Бога? Няхай ня станецца!

ДРУГІ ЗАКОН 32:4

[Ён] — Скала, і дасканалыя творы Яго, бо ўсе шляхі Ягоныя справядлівыя. Бог верны, і няма ў Ім хлусьні, Ён — праведны і справядлівы.

ЯКАВА 1:13

Спакушаны, ніхто няхай ня кажа: «Бог мяне спакушае», бо Бог не спакушаецца злом, і Сам нікога не спакушае.