ЁВА 32:8

Біблія (пераклад А.Бокуна)

Але дух ёсьць у чалавеку і дыханьне Усемагутнага дае яму разуменьне.

Крыжаваныя спасылкі

БЫЦЦЁ 41:38

I сказаў фараон слугам сваім: «Ці знойдзецца такі чалавек, як гэты, які мае ў сабе Духа Божага?»

БЫЦЦЁ 41:39

I сказаў фараон Язэпу: «Пасьля таго, як Бог паведаміў табе ўсё гэта, няма нікога такога кемлівага і мудрага, як ты.

3 ЦАРСТВАЎ 3:12

вось, Я зраблю паводле словаў тваіх. Вось, Я даю табе сэрца мудрае і разважлівае, так што такога, як ты, не было перад табою і ня будзе пасьля цябе.

3 ЦАРСТВАЎ 3:28

І пачуў увесь Ізраіль пра гэты суд, як прысудзіў валадар; і баяліся перад абліччам валадара, бо бачылі ў ім мудрасьць Божую, каб чыніць суд.

3 ЦАРСТВАЎ 4:29

І даў Бог Салямону вельмі вялікую мудрасьць і разважлівасьць, і шырокае сэрца, як пясок, які на беразе мора.

3 ЦАРСТВАЎ 5:9

Слугі мае занясуць іх з Лібану да мора, а я паскладаю іх у плыты і [завязу] морам у месца, якое ты мне вызначыш. Там я складу іх, а ты забярэш іх. І ты выканай жаданьне маё, даючы хлеб дому майму».

ЁВА 12:13

У [Бога] — мудрасьць і сіла, Ён мае раду і разуменьне.

ЁВА 12:16

У Яго — моц і цьвярозы розум, Ён [ведае] падманутага і ашуканца.

ЁВА 27:3

пакуль яшчэ трывае дыханьне ў-ва мне, і пакуль Дух Божы ў ноздрах маіх,

ЁВА 33:16

адкрывае Ён вуха людзям, і палохае іх у зьявах,

ЁВА 33:4

Дух Божы ўчыніў мяне, і дыханьне Усемагутнага ажывіла мяне.

ЁВА 35:11

Які вучыць нас болей, чым жывёлаў зямных, і больш, чым птушак нябесных, робіць нас мудрымі?”

ЁВА 38:36

Хто ўлажыў у нутро ібіса мудрасьць, і хто пеўню даў розум?

ВЫСЛОЎІ 2:6

Бо ГОСПАД дае мудрасьць, і з вуснаў Ягоных — веданьне і разуменьне.

ВЫСЛОЎІ 20:27

Сьветач ГОСПАДАЎ — дух чалавечы, ён дасьледуе ўсе сховы нутра.

ЭКЛЕЗІЯСТА 2:26

Бо чалавеку, які добры перад абліччам Ягоным, Ён дае мудрасьць, і веданьне, і радасьць, а грэшніку дае занятак, каб зьбіраў, і назапашваў, і [потым] аддаў таму, хто добры перад абліччам Божым. І гэта таксама марнасьць і пагоня за ветрам.

ІСАІ 28:26

І навучае яго пра такі парадак Бог ягоны, і вучыць яго.

ДАНІІЛА 1:17

І гэтым чатыром юнакам Бог даў веды і разуменьне кожнай кнігі і мудрасьці, а Данііл разумеў усякія ві­дзежы і сны.

ДАНІІЛА 2:21

І Ён зьмяняе часы і поры, Ён скідае валадароў і ставіць валадароў, дае мудрасьць мудрым і веданьне тым, якія маюць розум.

1 КАРЫНФЯНАЎ 12:8

Бо аднаму даецца праз Духа слова мудрасьці, а другому — слова веданьня праз таго самага Духа;

2 ЦІМАФЕЯ 3:16

Усё Пісаньне натхнёнае Богам і карыснае дзеля навучаньня, дзеля дакараньня, дзеля выпраўленьня, дзеля дысцыплінаваньня ў праведнасьці,

ЯКАВА 1:5

Калі ж у каго з вас не хапае мудрасьці, няхай просіць у Бога, Які дае ўсім шчыра і не дакараючы, і будзе яму дадзена.