ЁВА 19:8

Біблія (пераклад А.Бокуна)

Ён загарадзіў шлях мне, і я не магу прайсьці, і шлях мой цемраю ахутаў.

Крыжаваныя спасылкі

ЁВА 23:17

Бо не ад цемры я гіну, і аблічча маё не пакрытае змрокам.

ЁВА 3:23

Якая радасьць чалавеку, перад якім шлях закрыты і якога Бог атачае цемраю?

ЁВА 30:26

Чакаў я дабра, а прыйшло ліха, і шукаў сьвятла, але прыйшла цемра.

ПСАЛТЫР 88:8

Націснула на мяне ярасьць Твая, і ўсімі хвалямі Тваімі прыціснуў Ты мяне. (Сэлях)

ВЫСЛОЎІ 4:19

Шлях бязбожнікаў цёмны, яны ня ведаюць, дзе спатыкнуцца.

ІСАІ 50:10

Хто з вас баіцца ГОСПАДА, няхай слухае голас Слугі Ягонага! Хто ходзіць у цемры і няма яму сьвятла, няхай спадзяецца на імя ГОСПАДА і няхай абапіраецца на Бога свайго.

ІСАІ 59:9

Дзеля гэтага суд аддаліўся ад нас, і не даходзіць да нас праведнасьць; чакаем сьвятла, а вось, цемра, і [чакаем] яснасьці, а ходзім у змроку.

ЕРАМІІ 13:16

Аддайце славу ГОСПАДУ, Богу вашаму, перш, чым прыйдзе цемра, і перш, чым спатыкнуцца ногі вашыя ў гарах цёмных. І вы будзеце чакаць сьвятла, а Ён заменіць яго ў цемру сьмерці і зробіць імглою.

ЕРАМІІ 23:12

Дзеля гэтага шлях іхні будзе сьлізкі для іх, у цемры будуць спатыкацца і ўпадуць, бо Я прывяду на іх ліха ў год наведваньня іхняга, кажа ГОСПАД.

ПЛАЧ 3:5

Ён забудаваў [агароджай] мяне і атачыў жоўцю і гаротаю,

ПЛАЧ 3:7

Ён абгарадзіў мяне, і я ня выйду; Ён зрабіў цяжкімі кайданы мае.

ПЛАЧ 3:9

Ён абгарадзіў шляхі мае часанымі камянямі, скрывіў сьцежкі мае.

АСІІ 2:6

Дзеля гэтага Я загараджу шлях твой цернямі і абгараджу цябе агароджаю, і ня знойдзе яна сьцежак сваіх.

АСІІ 2:8

І яна ня ведае, што гэта Я даваў ёй збожжа і сок, і сьвежы алей, і памножыў ёй срэбра і золата, якое яны ўжывалі для Баала.

ЯНА 8:12

Тады ізноў сказаў Ісус да іх, кажучы: «Я — сьвятло сьвету. Хто ідзе за Мною, той ня будзе хадзіць у цемры, але будзе мець сьвятло жыцьця».

ІСУСА 24:7

І клікалі вы да ГОСПАДА, і Ён паставіў цемру паміж вамі і Эгіпцянамі, і напусьціў на іх мора, і яно пахавала іх, і бачылі вочы вашыя, што Я зрабіў у Эгіпце. І жылі вы шмат дзён у пустыні.